თბილისი, 8 თებერვალი – Sputnik. შესაბამისი საერთაშორისო ვეტერინარული სერტიფიკატის არქონის გამო 110 310 კგ სიმინდი ექსპორტიორ ქვეყანაში გაბრუნებას დაექვემდებარა, ნათქვამია საქართველოს ფინანსთა სამინისტროს შემოსავლების სამსახურის მიერ გავრცელებულ განცხადებაში.
უწყების ცნობით, სიმინდით დატვირთული საზღვაო კონტეინერი უკრაინის რესპუბლიკიდან საბაჟო-გამშვებ პუნქტ „ბათუმის პორტში“ შემოვიდა.
„სპეციალისტების მიერ ვეტერინარული სასაზღვრო კონტროლის განხორცილებისას გამოვლინდა დარღვევა. კერძოდ, ტვირთზე ვერ იქნა წარმოდგენილი შესაბამისი საერთაშორისო ვეტერინარული სერტიფიკატი“, – აღნიშნულია განცხადებაში.
საქართველოს მთავრობის N463 დადგენილების თანახმად, აღნიშნული საქონელი უკან, ექსპორტიორ ქვეყანაში გაბრუნებას დაექვემდებარა.
