თბილისი, 8 თებერვალი — Sputnik. ძალიან ბევრი ადამიანი კარტოფილის პიურეს კატეგორიულად არასწორად ამზადებს, აცხადებს ბრიტანელი შეფ-მზარეული მარკუს უორინგი.
სპეციალისტი უპირველეს შეცდომად კარტოფილის სხვადასხვა ზომის კუბებად დაჭრას ასახელებს. მისი თქმით, ნაჭრების ერთნაირ ზომას გადამწყვეტი მნიშვნელობა აქვს, წინააღმდეგ შემთხვევაში პატარა ნაჭრები ზედმეტად გადაიხარშება და ამის გამო პიურე წყლიანი და უგემური გამოვა.
უორინგის თქმით, კიდევ ერთი გავრცელებული შეცდომაა ძალიან მაღალ ცეცხლზე კარტოფილის ხარშვა. მისი თქმით, კარტოფილის ნაჭრები მარილიან წყალში, დაბალ ცეცხლზე უნდა მოიხარშოს. თუ ამ რეკომენდაციას არ გაითვალისწინებთ, პიურე „გარედან“ ჩაიხარშება, „შუაგული“ კი ჯერ კიდევ უმი იქნება, რაც უარყოფითად აისახება კერძის კონსისტენციაზე.
როგორც შეფ-მზარეული აცხადებს, ხარშვის დასრულების შემდეგ ქვაბიდან წყალი უნდა გადაწუროთ და კარტოფილი დაახლოებით ხუთი წუთით უნდა „დაასვენოთ“. მხოლოდ ამის შემდეგ უნდა ჩაიზილოს იგი და მიიღოს პიურეს სახე.
