მსახიობმა და ტელეწამყვანმა ია ფარულავამ, პანდემიიდან გამომდინარე, დაბადების დღე ვიწრო წრეში, მეგობრებთან ერთად აღნიშნა, თუმცა მანამდე ფარულავამ „ინსტაგრამის“ „სთორიზე“ გამოაქვეყნა ვიდეო, სადაც ამბობდა, რომ ერთ-ერთ ცნობილ სასტუმროში აპირებდა დარჩენას და დაბადების დღის აღნიშვნას ერთ ადამიანთან ერთად.
მოგვიანებით ფარულავამ ვიდეო გამოაქვეყნა, სადაც ჩანს, რომ მსახიობსა და ტელეწამყვანს ლამაზ დღეს მხარს დალი ჩიტალაძე, ნინო ნადირაძე და ნანიკო შუკვანი უმშვენებდნენ. იამ მეგობრებს მადლობა გადაუხადა, რომ დაბადების დღე ერთად აღნიშნეს: „მადლობა, რომ ძალით გამომათრიეთ სახლიდან“.
ნინო ნადირაძის თქმით, ეს მეგობრების პირველი შეკრება იყო 2021 წელს, რადგან პანდემიამ შეუშალათ ხელი. იამ ტორტზე სანთლები ჩააქრო და სურვილიც ჩაიფიქრა. მეგობრებმა იას ასწავლეს, რომ სურვილის ჩაფიქრებამდე ხელიდან ბეჭედი მოეხსნა. მსახიობის თქმით, დაბადების დღეზე ულამაზესი ტორტი ჰქონდა.
