თბილისი, 21 იანვარი - Sputnik. ბაღდადში ორმაგი ტერორისტული აქტის შედეგად 32 ადამიანი დაიღუპა და ასზე მეტი დაიჭრა, ნათქვამია ერაყის ჯანდაცვის სამინისტროს განცხადებაში.
ორმაგი ტერაქტი დილით მოხდა ერთ-ერთ ბაზარში, რომელიც ერაყის დედაქალაქის ელ-ბაბ ეშ-შარკის რაიონში მდებარეობს. უსაფრთხოების სამსახურის თანამშრომლები უთვალთვალებდნენ ტერორისტებს, რომლებმაც გარკვეულ მომენტში ასაფეთქებელი მოწყობილობები აამოქმედეს.
„ორი აფეთქების შედეგად ბაღდადში 32 ადამიანი დაიღუპა, 110 დაიჭრა“, - იუწყება ჯანდაცვის სამინისტროს პრესსამსახური.
ტრაგედიაზე პასუხისმგებლობა ჯერჯერობით არცერთ ტერორისტულ დაჯგუფებას არ აუღია.
