უჩვეულო "ალილო": მღვდლებმა ქალაქი მანქანებით შემოიარეს – ვიდეო

გამოწერა
ტრადიციული საშობაო მსვლელობა „ალილო“ წელს კორონავირუსის პანდემიის გამო არ იმართება, მაგრამ სასულიერო პირებმა ტრადიციული მარშრუტი ავტომობილებით გაიარეს. დაწვრილებით – იხილეთ „Sputnik-საქართველოს“ ვიდეოში.

ბოლო წლებში „ალილო“ ტრადიციად ჩამოყალიბდა თბილისში. ყოველ წელს ამ დღეს სასულიერო პირები და მორწმუნეები ხატებითა და სანთლებით ქალაქის ცენტრალური ქუჩების გავლით სამებაში მიდიან. 

ალილო თბილისში - Sputnik საქართველო
საქართველოში 7 იანვარს ტრადიციული „ალილო“ არ ჩატარდება

გზაში პროცესია იღებს საჩუქრებს, შემოწირულობებსა და სხვადასხვა ნივთებს, რომლებიც შემდეგ უნაწილდებათ უპოვრებს, მოხუცებულთა თავშესაფრების ბინადრებს, მშობლების მზრუნველობას მოკლებულ ბავშვებს.

კორონავირუსის გამო წელს „ალილო“ არატრადიციული ფორმატით გაიმართა. სასულიერო პირებმა ტრადიციული მარშრუტი ავტომობილებით გაიარეს, ქუჩები აკურთხეს და გამვლელებს დღესასწაული მიულოცეს.

საქართველოში „ალილოს“ ისტორია უკვე 15 საუკუნეს ითვლის. მისი მთავარი მიზანი ქველმოქმედებაა.

ყველა ახალი ამბავი
0