თბილისი, 6 იანვარი — Sputnik. ვაშინგტონში მიმდინარე დემონსტრაციაზე დონალდ ტრამპის მხარდამჭერებსა და პოლიციას შორის შეჯახება მოხდა, იუწყება ტელეარხი Fox News.
გავრცელებული ინფორმაციით, მოქმედი პრეზიდენტის მხარდამჭერები მოითხოვენ, არ ჩაითვალოს იმ სადავო შტატების ამომრჩეველთა კოლეგიის წევრების ხმები, რომლებშიც ჯო ბაიდენმა გაიმარჯვა.
MAGA and Proud Boys are fighting cops in DC tonight. pic.twitter.com/5I09Z6Nitg
— Joshua Potash (@JoshuaPotash) January 6, 2021
ტელეარხის ინფორმაციით, პოლიციასთან შეტაკებები სამშაბათს, საღამოს დაიწყო. სამართალდამცველებმა დემონსტრანტების დასაშლელად წიწაკის ბალონები გამოიყენეს.
დონალდ ტრამპმა თავისი მხარდაჭერებისადმი თანადგომა Twitter-ზე დააფიქსირა და დაწერა, რომ მათი ხმა თეთრი სახლის ოვალურ კაბინეტშიც ისმის.
„ვაშიგტონი სავსეა ხალხით, რომლებსაც არ სურთ იხილონ რადიკალი მემარცხენე დემოკრატების მიერ მოპარული გამარჯვება... ჩვენ გვესმის თქვენი ოვალურ კაბინეტშიც და გვიყვარხართ. გავხადოთ ამერიკა კვლავ დიდებული!“ — დაწერა სოციალურ ქსელში ტრამპმა.
Washington is being inundated with people who don’t want to see an election victory stolen by emboldened Radical Left Democrats. Our Country has had enough, they won’t take it anymore! We hear you (and love you) from the Oval Office. MAKE AMERICA GREAT AGAIN!
— Donald J. Trump (@realDonaldTrump) January 5, 2021
როგორც ცნობილია, აშშ-ის მოქმედი პრეზიდენტი არ აღიარებს ნოემბრის არჩევნებში მარცხს. ამომრჩეველთა კოლეგიის წევრთა კენჭისყრის შედეგები, რომლის თანახმადაც დონალდ ტრამპს 232, ხოლო ჯო ბაიდენს 306 ელექტორალური ხმა ერგო, 6 იანვარს უნდა დამტკიცდეს კონგრესის სხდომაზე, რომელშიც ორივე პალატის წარმომადგენლები მიიღებენ მონაწილეობას.
