ბროწეულის მაქსიმალური სარგებელი: ექიმი ასახელებს საჭირო რაოდენობასა და მიღების წესს

იმისათვის, რომ ბროწეულისგან მაქსიმალური სარგებელი მიიღოთ, საჭიროა იცოდეთ, რა სიხშირითა და რა რაოდენობით უნდა მიირთვათ ის.

თბილისი, 6 იანვარი — sputnik. ბროწეული აძლიერებს იმუნიტეტს, აქვს ანთებისა და სიმსივნის საწინააღმდეგო მოქმედება, აუმჯობესებს სისხლძარღვების მდგომარეობას და ხელს უშლის დემენციის ადრეულ განვითარებას, განაცხადა რადიო Sputnik-თან ინტერვიუში ექიმმა-დიეტოლოგმა ელენა სოლომატინამ.

ბროწეული - Sputnik საქართველო
აკრძალულია კატეგორიულად: ბროწეულსა და მის წვენზე უარი უნდა თქვათ, თუ...

მისი თქმით, ბროწეული მდიდარია ანტიოქსიდანტებითა და მჟავებით, რომლებიც ეფექტურად ებრძვის ანთებას. ასევე ბროწეული ხელს უშლის გულ-სისხლძარღვთა სისტემის უჯრედების განადგურებას, ხელს უწყობს მისი მდგომარეობის გაუმჯობესებასა და ინფარქტისა და ინსულტის თავიდან აცილებას.

გარდა ამისა, ბროწეული ხელს უწყობს სისხლში ქოლესტერინის დონის შემცირებას და ხელს უშლის ჭკუასუსტობის ადრეულ განვითარებას, აქვს სერიოზული ანტისიმსივნური მოქმედებაც, განსაკუთრებით, ძუძუს კიბოს დროს.

სოლომატინა აღნიშნავს, რომ სასურველი ეფექტის მისაღებად აუცილებელია ბროწეულის ყოველდღიური გამოყენება, მაგრამ მცირე ულუფებით — საკმარისია ნაყოფის მეოთხედი ან 30 გრამი ბროწეულის წვენი.

„უნდა გვესმოდეს, რომ ორგანულმა მჟავებმა შეიძლება საჭმლის მომნელებელი ტრაქტის გაღიზიანება და გამწვავება გამოიწვიოს, თუ გარკვეული პრობლემები უკვე არსებობს“, — გვაფრთხილებს დიეტოლოგი და მოგვიწოდებს, არ ვჭამოთ ძალიან ბევრი ბროწეული.

გარდა ამისა, ბროწეულმა შეიძლება უარყოფითად იმოქმედოს კბილების მინანქარზეც, ამიტომ უმჯობესია წვენი განზავდეს წყლით ან დალიოთ საწრუპის მეშვეობით.

2019 წელს მეცნიერებმა დაადგინეს, რომ ბროწეულსა და სხვა ხილში არსებული ბუნებრივი ნაერთები ანელებს გარკვეულ ასაკობრივ პროცესებს. კერძოდ, უროლითინი A აუმჯობესებს მიტოქონდრიის ფუნქციონირებას ჩონჩხის კუნთების უჯრედებში, რომლებიც, ჩვეულებრივ, 50 წლის შემდეგ ძალასა და მასას კარგავს. მას ადამიანის ნაწლავებში ელაგოტანინები წარმოქმნის, რომლებსაც სწორედ ბროწეულის მარცვლები და წვენი შეიცავს.

ყველა ახალი ამბავი
0
თავიდან ახლებითავიდან ძველები
loader
ეთერში
Заголовок открываемого материала
საერთაშორისო
InternationalEnglishინგლისურიMundoEspañolესპანური
ევროპა
DeutschlandDeutschგერმანულიFranceFrançaisფრანგულიΕλλάδαΕλληνικάბერძნულიItaliaItalianoიტალიურიČeská republikaČeštinaჩეხურიPolskaPolskiპოლონურიСрбиjаСрпскиსერბულიLatvijaLatviešuლატვიურიLietuvaLietuviųლიეტუვურიMoldovaMoldoveneascăმოლდოვურიБеларусьБеларускiბელარუსული
ამიერკავკასია
ԱրմենիաՀայերենსომხურისაქართველოქართულიქართულიAzərbaycanАzərbaycancaაზერბაიჯანული
ახლო აღმოსავლეთი
Sputnik عربيArabicარაბულიTürkiyeTürkçeთურქულიSputnik ایرانPersianფარსიSputnik افغانستانDariდარი
ცენტრალური აზია
ҚазақстанҚазақ тіліყაზახურიКыргызстанКыргызчаყირგიზულიOʻzbekistonЎзбекчаუზბეკურიТоҷикистонТоҷикӣტაჯიკური
აღმოსავლეთი და სამხრეთ-აღმოსავლეთი აზია
Việt NamTiếng Việtვიეტნამური日本日本語იაპონური中国中文ჩინური
სამხრეთი ამერიკა
BrasilPortuguêsპორტუგალიური