პენიტენციურ დაწესებულებებში პაემნებზე შეზღუდვა გახანგრძლივდა

© Pixabay / ErikaWittliebციხის გალავანი
ციხის გალავანი - Sputnik საქართველო
გამოწერა
НовостиTelegram
პენიტენციურ დაწესებულებებში მოქმედი შეზღუდვების პირველი ეტაპის მოხსნის შემდეგ ბრალდებულები და მსჯავრდებულები ხანმოკლე პაემნით 25 მაისიდან სარგებლობდნენ.

თბილისი, 31 დეკემბერი - Sputnik. პენიტენციურ დაწესებულებებში ბრალდებულ/მსჯავრდებულებს ხანმოკლე პაემნების უფლება 2021 წლის 31 იანვრის ჩათვლით შეუჩერდათ. ინფორმაციას სპეციალური პენიტენციური სამსახური ავრცელებს.

ინფორმაციაში ნათქვამია, რომ გადაწყვეტილება კორონავირუსის შესაძლო გავრცელების პრევენციის მიზნით არის მიღებული.

ციხე - Sputnik საქართველო
პენიტენციურ დაწესებულებებში 28 დეკემბერს საახალწლო ამანათების მიღება იწყება

კორონავირუსის გავრცელების პრევენციის მიზნით პენიტენციურ დაწესებულებებში მოქმედი შეზღუდვების პირველი ეტაპის მოხსნის შემდეგ ბრალდებულებსა და მსჯავრდებულებს ხანმოკლე პაემნით სარგებლობის შესაძლებლობა 25 მაისიდან ჰქონდათ.

ეპიდსიტუაციიდან გამომდინარე, 28 ნოემბრიდან ეს უფლება დროებით შეუჩერდათ. ამ ეტაპზე კი მიღებული იქნა ამ შეზღუდვის 2021 წლის 31 იანვრის ჩათვლით გაგრძელების გადაწყვეტილება.

ამავდროულად მოიხსნა პანდემიასთან დაკავშირებული სხვა შეზღუდვა, რომელიც ასევე 28 ნოემბრიდან მოქმედებდა. საუბარია მიმდინარე წლის 28 დეკემბერს მიღებულ გადაწყვეტილებაზე, რომლის მიხედვითაც ახალი წლის დღესასწაულთან დაკავშირებით დაიწყო დაწესებულებებში ამანათების მიღება მხოლოდ 28, 29, 30 და 31 დეკემბერს იყო ნებადართული. ეს შეზღუდვა მომავალი წლის 4 იანვრიდან აღარ იარსებებს.

შესაბამისად, ბრალდებულ/მსჯავრდებულებს დაუბრკოლებლად შეეძლებათ ყველა სახის ამანათის მიღება.

 

ყველა ახალი ამბავი
0