თბილისი, 29 დეკემბერი – Sputnik. საქართველოს პრეზიდენტმა სალომე ზურაბიშვილმა და პრემიერ მინისტრმა გიორგი გახარიამ ხორვატიაში მომხდარი მიწისძვრის შედეგად ადამიანების დაღუპვის გამო მწუხარება გამოთქვეს.
სამშაბათს ხორვატიაში 6,3 მაგნიტუდის მიწისძვრა მოხდა. ეპიცენტრი ქვეყნის ცენტრალურ ნაწილში, ქალაქ პეტრინიას რაიონში მდებარეობდა. ბოლო ინფორმაციით, შვიდი ადამიანი დაიღუპა.
Very saddened to see the destruction from the #earthquake in #Croatia. I stand with the Croatian people in this difficult time and wish strength to the #FirstResponders on the scene.
— Salome Zourabichvili (@Zourabichvili_S) December 29, 2020
„დამწუხრებული ვარ ხორვატიაში გამანადგურებელი მიწისძვრის გამო. ამ რთულ დროს ხორვატი ხალხის გვერდით ვდგავარ და გამძლეობას ვუსურვებ ადგილზე მყოფ მაშველებს“, – წერს სალომე ზურაბიშვილი Twitter-ზე.
Deeply saddened by the news of another powerful earthquake in Croatia. My heartfelt condolences to the families of the victims & wishing a quick recovery to those injured. 🇬🇪 stands together with the friendly people of 🇭🇷 during these difficult times.
— Giorgi Gakharia (@GakhariaGiorgi) December 29, 2020
პრემიერ-მინისტრმა გიორგი გახარიამ დაღუპულთა ოჯახებს სამძიმარი თავის Twitter-აკაუნტში გამოუცხადა.
„ღრმად დამწუხრებული ვარ ხორვატიაში მომხდარი ძლიერი მიწისძვრის გამო. გულწრფელ სამძიმარს ვუცხადებ მსხვერპლთა ოჯახებს და დაშავებულებს სწრაფ გამოჯანმრთელებას ვუსურვებ. საქართველო ამ რთულ დროს მეგობარი ხორვატიის ხალხის გვერდით დგას“, – დაწერა გახარიამ.
ხორვატიაში დამანგრეველი მიწისძვრა მოხდა: პრემიერმა შედეგები შეაფასა >>
ეპიცენტრთან ახლოს მდებარე ქალაქ სისაკშიც მნიშვნელოვანი ნგრევები მოხდა, ყველაზე მეტად დაზარალდა ქალაქის საავადმყოფო, რომელმაც პაციენტების მიღება გააგრძელა. სამედიცინო დახმარებისთვის 20-მდე ადამიანმა მიმართა, ორი მათგანი მძიმე მდგომარეობაშია.
