თბილისის საქალაქო სასამართლოს ახალი თავმჯდომარის ვინაობა ცნობილია

© photo: Sputnikთბილისის საქალაქო სასამართლო
თბილისის საქალაქო სასამართლო - Sputnik საქართველო
გამოწერა
დღესვე იუსტიციის უმაღლესი საბჭოს გადაწყვეტილებით გორის რაიონული სასამართლოს თავმჯდომარე და ქუთაისის სააპელაციო სასამართლოს თავმჯდომარის მოვალეობის შემსრულებელიც დანიშნეს.

თბილისი, 29 დეკემბერი – Sputnik. თბილისის საქალაქო სასამართლოს თავმჯდომარედ ვასილ მშვენიერაძე დაინიშნა, იუწყება საქართველოს იუსტიციის უმაღლესი საბჭო.

საქართველოს უზენაესი სასამართლო - Sputnik საქართველო
საქართველოში უზენაესი სასამართლოს მოსამართლეთა შერჩევის ახალი ეტაპი იწყება

უწყების ცნობით, ეს გადაწყვეტილება საქართველოს იუსტიციის უმაღლესმა საბჭომ დღეს მიიღო.

ვასილ მშვენიერაძე თბილისის საქალაქო სასამართლოს თავმჯდომარის პოზიციას 5 წლის ვადით დაიკავებს.

საქართველოს იუსტიციის საბჭოს 2020 წლის 23 დეკემბრის გადაწყვეტილებით, მშვენიერაძე 28 დეკემბრიდან თბილისის საქალაქო სასამართლოს სამოქალაქო საქმეთა კოლეგიის მოსამართლედ გამწესდა.

დღესვე იუსტიციის უმაღლესმა საბჭომ გორის რაიონული სასამართლოს თავმჯდომარეც აირჩია. აღნიშნულ თანამდებობაზე შალვა კაკაურიძე 5 წლით იმუშავებს.

აგრეთვე, იუსტიციის უმაღლესი საბჭოს გადაწყვეტილებით ქუთაისის სააპელაციო სასამართლოს თავმჯდომარის მოვალეობის შემსრულებლად ამირან ძაბუნიძე დაინიშნა.

ყველა ახალი ამბავი
0