თურნავა: მოლებმა და მაღაზიებმა საკმაოდ მაღალი პასუხისმგებლობა გამოიჩინეს
„იცით, რომ მოხდა რეგულაციების შემსუბუქება არასასურსათო ვაჭრობის სექტორისთვის და საკმაოდ მაღალი პასუხისმგებლობა გამოიჩინეს მოლებმა, მაღაზიებმა. ძალიან გვიხარია, რომ დღეს, როდესაც ვაჯამებთ გუშინდელი დღის სტატისტიკას, სერიოზული და მასობრივი დარღვევების გარეშე ჩაიარა ამ დღემ და ამისთვის მინდა ძალიან დიდი მადლობა გადავუხადო ჩვენს სავაჭრო ინდუსტრიას“, – განაცხადა ნათია თურნავამ.
მინისტრის ინფორმაციით, მაკონტროლებელი სტრუქტურები მოლებში კვლავ აგრელებენ მკაცრ კონტროლს. ამასთან, თურნავამ მოუწოდა როგორც მოქალაქეებს, ისე მაღაზიებს, დაიცვან ყველა აუცილებელი მოთხოვნა.
