თბილისი, 21 დეკემბერი – Sputnik. რუსეთის დელეგაცია აზერბაიჯანის წარმომადგენლებთან აზერბაიჯანში რუსული ვაქცინა „სპუტნიკV"-ს წარმოების საკითხებს განიხილავს, განაცხადა კომპანია Р-Фарма-ს დამფუძნებელმა და დირექტორთა საბჭოს თავმჯდომარე ალექსეი რეპიკმა, იუწყება Sputnik-აზერბაიჯანი.
„პროგრამა განვითარდება არამარტო რუსეთში, ის ამოქმედდება მთელ რიგ ქვეყნებში: სწორედ ახლა მივფრინავთ აზერბაიჯანში კლინიკური კვლევების პროექტის განსახილველად. შეიძლება ჩაერთოს ახლო აღმოსავლეთის ქვეყნები, ასევე დსთ-ის სხვა ქვეყნებიც“, - განაცხადა რეპიკმა.
აზერბაიჯანში თავისი გამგზავრების მიზნის კომენტირებისას მან განმარტა, რომ პირველ რიგში ეს არის, ბუნებრივია, ახალი კომბინაციის (AstraZeneca-ს ვაქცინასთან - რედ.) კლინიკური კვლევები, ასევე აზერბაიჯანის პროფილური, ფარმაცევტული სიმძლავრეების გამოყენების შესაძლებლობა ვაქცინა „სპუტნიკ-V"-ს წარმოებისთვის.
თებერვლის ბოლოდან აზერბაიჯანში კორონავირუსით ინფიცირების 203 593 შემთხვევა გამოვლინდა, აქედან 142 807 ადამიანი გამოჯანმრთელდა, 2 253 პაციენტი კი გარდაიცვალა. საგანგებო რეჟიმის კლინიკებში მკურნალობას 58 533 ადამიანი აგრძელებს.
აღნიშნულ პერიოდში ქვეყანაში კორონავირუსის გამოსავლენად ჩატარდა 2 073 137 ტესტი, მათ შორის 9 383 - ბოლო დღე-ღამეში.
