არსებული მონაცემების თანახმად, განვითარებულ ქვეყნებში პირბადეს მოსახლეობის 95% ატარებს, საქართველოში – დაახლოებით 65%. ამის მაგალითს თბილისი იძლევა. სწორედ ამ მიზეზით შეიცვალა დედაქალაქის იერიც. ყოველი ჩვენგანის ინდივიდუალობა სწორედ სახით გამოიხატება, რაც ქალაქის განუმეორებელ საერთო სპეციფიკას აყალიბებს.
სახის გამომეტყველებით ხშირად შესაძლებელია დავადგინოთ, თუ რაზე ფიქრობს ან ოცნებობს ადამიანი, უხარია მას თუ გულდაწყვეტილია, მოვწონვართ თუ არა მას, სიმართლეს გვეუბნება თუ პასუხს გაურბის?..
ფოტორეპორტიორმა თბილისის ქუჩებში გასეირნება და ქალაქელების სახეებზე დაკვირვება გადაწყვიტა. აშკარაა, მიუხედავად ნახევრად დაფარული სახეებისა, კორონავირუსმაც კი ვერ შეძლო თბილისელებისთვის მომხიბვლელობისა და ეშხის წართმევა.
სხვათა შორის, ბევრი ადამიანი პირბადეს საკუთარი გემოვნებით არჩევს, განსაკუთრებით ქალები. დანარჩენი თავად განსაჯეთ.
