თბილისი, 17 დეკემბერი — Sputnik. აშშ-ის ახლადარჩეული პრეზიდენტის ჯო ბაიდენის მეუღლის ჯილ ბაიდენის დოქტორის ხარისხი და დისერტაცია „ნაგავია“, აცხადებს National Review-ს ჟურნალისტი კაილ სმიტი, რომელიც გაეცნო მომავალი პირველი ლედის ნაშრომს.
New column: Jill Biden’s Doctorate Is Garbage Because Her Dissertation Is Garbage https://t.co/TDaSufoDuF
— Kyle Smith (@rkylesmith) December 16, 2020
კრიტიკოსმა აღნიშნა, რომ ჯილ ბაიდენმა ხარისხი დელავერის კერძო უნივერსიტეტისგან (University of Delaware) მიიღო, რომლის ერთ-ერთი ყველაზე წარმატებული კურსდამთავრებულიცაა თავად ჯო ბაიდენი.
სმიტის თქმით, დელავერის უნივერსიტეტში არ უნდა დაემტკიცებინათ ჯილ ბაიდენის 2006 წლის დისერტაცია, რადგან ის არის „დაუდევარი, ცუდად დაწერილი და ძლივს შეეფერება საშუალო სკოლის სოციალურ მეცნიერებათა კლასის დონეს“.
„ჯილ ბაიდენის დისერტაციას არაფერი შეუმატებია კაცობრიობის საერთო ცოდნისთვის. ეს არ არის კონკრეტულ თემაში ან უფრო ფართო სფეროში გამოცდილების დემონსტრაცია“, — ხაზს უსვამს კრიტიკოსი.
გარდა ამისა, კაილ სმიტი ჯილ ბაიდენის დისერტაციას „ტყის პატარა, სუნთქვაშეკრულ და მოხიხინე ცხოველს“ ადარებს „დისნეის“ ფილმებიდან.
სტატიის ავტორის თქმით, სინამდვილეში „გონიერმა ადამიანებმა იციან, რომ სამეცნიერო ხარისხის ტარება არ ნიშნავს ინტელექტის მტკიცებულებას“.
აღსანიშნავია, რომ მანამდე აშშ-ის მომავალი პირველი ლედი მელანია ტრამპის მიბაძვაში ამხილეს. The Sun-ის ჟურნალისტებმა ყურადღება გაამახვილეს იმ ფაქტზე, რომ 69 წლის ჯილ ბაიდენს საჯარო ღონისძიებებზე გამოსვლისას ყოველთვის ეცვა ისეთი თარგისა და ფერის სამოსი, რომელიც ზუსტად ემთხვეოდა მელანია ტრამპის ჩაცმულობის სტილს.
