თბილისი, 13 დეკემბერი – Sputnik. ჩეჩნეთში ერთ დღე-ღამეში ზედიზედ მეხუთე მიწისძვრა მოხდა, ბოლოჯერ მიწისქვეშა ბიძგები 2,9 მაგნიტუდის სიმძლავრით თბილისის დროით 17:36 საათზე დაფიქსირდა, აცნობეს РИА Новости-ს რუსეთის საგანგებო სიტუაციების სამინისტროს რეგიონული სამმართველოს პრესსამსახურში.
პირველი ყველაზე მძლავრი მიწისქვეშა ბიძგები - 5,6 მაგნიტუდის - თბილისის დროით 01:30 საათზე დაფიქსირდა.
კვირას ბიძგები 4,1 ბალის სიმძლავრით 15:40 საათზე განმეორდა, შემდეგ 16:08 საათზე მოხდა 3,1 მაგნიტუდის მიწისძვრა, 17:05 საათზე - 3,8 მაგნიტუდის.
„ჩეჩნეთის რესპუბლიკის ტერიტორიაზე 13 დეკემბერს, მოსკოვის დროით 16:36 საათზე 2,9 მაგნიტუდის მიწისძვრა მოხდა. ეპიცენტრი ურუს-მარტანოვის რაიონში იყო“, - განაცხადეს სამინისტროში და დააზუსტეს, რომ ეს ბოლო 24 საათში მეხუთე მიწისძვრა იყო.
ოპერატიულმა მორიგე ცვლამ რაიონებიდან მიღებული ინფორმაცია გადაამუშავა. მიწისქვეშა ბიძგების რაიმე შედეგების შესახებ ინფორმაცია არ ვრცელდება.
