რატომ ნანობს მდიდარი შეიხისთვის სექსუალურ ურთიერთობაზე უარის თქმას ალექსანდრა პაიჭაძე?

მდიდარი შეიხისთვის სექსუალურ ურთიერთობაზე უარი მითქვამს და მინანია – ეს სკანდალური განცხადება ტელეკომპანია „იმედის“ გადაცემა „სიცრუის დეტექტორში“ მოდელმა და „ინფლუენსერმა“ ალექსანდრა პაიჭაძემ წამყვანის კითხვის საპასუხოდ გაააკეთა.

მისი თქმით, როდესაც გაერთიანებულ ემირატებში რამდენიმე თვის განმავლობაში ცხოვრობდა, ბევრი ისეთი შემოთავაზება ჰქონდა, რაზე დათანხმების შემდეგაც მეორე დღიდანვე დედოფალივით შეეძლო ცხოვრება, თუმცა ამაში ხელი ცხოვრებისეულმა ღირებულებებმა შეუშალა. „არც ესკორტი ვარ, არც მონა და არც სექსუალური მუშაკი, როგორიც სხვებს ვგონივარ“, – განაცხადა მოდელმა.

მისი თქმით, დუბაიში ცხოვრებისას პროტესტიც კი გაუჩნდა და საკმაოდ მოკრძალებულად იცვამდა, რადგან ხედავდა, რომ „ქალები იქაური მამაკაცების მოსახიბლად ყველაფერს აკეთებდნენ, რომ ვიღაც მოაქლემო ტიპს მოსწონებოდათ“.

ბევრი წამყვანი რესტორანი, კლუბი თუ ცნობილი მაღაზია ალექსანდრას მიმზიდველობას და პაპულარობას ბრენდის ცნობადობის ასამაღლებლად იყენებს. ახალგაზრდა მოდელი, თავის მხრივ, საკუთარ გვერდს უფრო და უფრო მიმზიდველს ხდის, არა მხოლოდ ფოტოებით, არამედ სურათის აღწერით.

30 წლის მოდელი დიდი პოპულარულობით სარგებლობს. მას ტელეეკრანებიდან იცნობენ. ალექსანდრა რამდენიმე არხზე დილის გადაცემებში სპორტული ილეთებით დატვირთულ ვარჯიშებს ქალბატონებს უზიარებდა. საკუთარ გამოცდილებას სოციალურ ქსელშიც აქვეყნებს. მის ყველა ფოტოს ლოგიკური და საკმაოდ ვრცელი ტექსტები ახლავს მრავალფეროვან თემებზე.