თბილისი, 5 დეკემბერი - Sputnik. პარიზში კვლავ მიმდინარეობს მასშტაბური საპროტესტო აქცია „გლობალური უსაფრთხოების“ შესახებ კანონპროექტის 24-ე მუხლის წინააღმდეგ, პოლიციელებს ესვრიან ქვებს, ფაიერებს, პოლიცია ცრემლსადენ აირს იყენებს, იუწყება РИА Новости.
ადრე საპარლამენტო უმრავლესობამ გადაწყვიტა შეცვალოს კანონპროექტის მუხლი, რომელიც ეხება პოლიციელთა ფოტო და ვიდეო გადაღებას და მათი ამსახველი კადრების გავრცელებას, თუმცა საფრანგეთის პროფკავშირებმა კვლავ მანიფესტაციისკენ მოუწოდეს.
Law enforcement in Paris is forced to retreat while anarchist black bloc militants run up and attack them at the riot. pic.twitter.com/XqTcWFRK76
— Andy Ngô (@MrAndyNgo) December 5, 2020
თავდაპირველად მშვიდობიანი აქცია არეულობებში გადაიზარდა: პოლიციელების მისამართით ისროლეს ქვები, ცეცხლმოკიდებული ფაიერები. პოლიციამ ცრემლსადენი აირი გამოიყენა.
პროტესტების მონაწილეებმა დაიწყეს ვიტრინებისა და ფანჯრების დამსხვრევა, ბარიკადების აგება და გარე დაკვირვების კამერების დაზიანება. მოროდიორებმა ასევე რამდენიმე მანქანა დაწვეს.
ამჯერად აქციაზე დიდი რაოდენობით პოლიცია და ჟანდარმებია მობილიზებული, გაცილებით მეტი, ვიდრე გასულ შაბათს.
აქციები საფრანგეთის სხვა ქალაქებშიც იმართება.
#AHORA‼️Crece la tensión en #París durante la manifestación de este sábado contra la #LoiSecuriteGlobale, que se dirige hacia la Plaza de la República (@CharlesBaudry)
— Fly News (@FlyNews0) December 5, 2020
Seguimos informando 🙂
pic.twitter.com/gdXIPmUeTA
კანონპროექტის არსი
24 ნოემბერს საფრანგეთის ეროვნულმა ასამბლეამ პირველი მოსმენით მხარი დაუჭირა კანონპროექტს „გლობალური უსაფრთხოების შესახებ", რომლის 24-ე მუხლი ერთი წლით თავისუფლების აღკვეთას და 45 ათასი ევროს ოდენობის ჯარიმას ითვალისწინებს „პოლიციელის ან ჟანდარმის სახის ან იდენტიფიკაციის სხვა ელემენტის გამოსახულებისათვის, მათი ფიზიკური ან ფსიქიკური ხელშეუხებლობისთვის აშკარა ზიანის მიყენების მიზნით“.
შესწორებაში, რომელიც ამ მუხლში შევიდა, ზუსტდება, რომ ეს ზომა ვერ დაარღვევს ინფორმაციის ცოდნის უფლებას.
სტატიამ მკვეთრი კრიტიკა გამოიწვია ჟურნალისტების საზოგადოებაში. მედიის თანამშრომლები ფიქრობენ, რომ კანონპროექტის მიღების შემთხვევაში სიტყვის თავისუფლებას ზიანი მიადგება, რადგან მანიფესტაციების დროს ძალოვანების ქმედებების გადაღება შეუძლებელი გახდება.
BREAKING - Cars have been set on fire on the streets of Paris today as black bloc militants continue to rampage to protest the new security law. pic.twitter.com/fWb5gmPcJt
— Disclose.tv 🚨 (@disclosetv) December 5, 2020
მთავრობაში კი განაცხადეს, რომ დოკუმენტი ამ უფლებას არ არღვევს.
პარიზში ამ კანონპროექტის წინააღმდეგ უკვე რამდენიმე აქცია გაიმართა. ბევრჯერ მანიფესტაციები დემონსტრანტების და პოლიციის შეტაკებებით დასრულდა.
