მსხვილი IT-კომპანია საქართველოში შვილობილ კომპანიას გახსნის

© photo: Sputnik / Vitaly Belousov / გადასვლა მედიაბანკშიკომპიუტერული სერვერი
კომპიუტერული სერვერი - Sputnik საქართველო
გამოწერა
საერთაშორისო სტატუსის მქონე IT-კომპანიები ქვეყანაში საგადასახადო შეღავათებით სარგებლობენ - საშემოსავლო გადასახადს 20%-ის ნაცვლად 15%-ს იხდიან

თბილისი, 5 დეკემბერი – Sputnik. უმსხვილესმა IT-კომპანიამ საქართველოში შვილობილი კომპანიის რეგისტრაციის პროცედურა დაიწყო, განაცხადა ინოვაციებისა და ტექნოლოგიების სააგენტოს თავმჯდომარემ ავთანდილ კასრაძემ.

მთავრობის დადგენილებით, საერთაშორისო სტატუსის მქონე IT-კომპანიები ქვეყანაში საგადასახადო შეღავათებით სარგებლობენ და საშემოსავლო გადასახადს 20%-ის ნაცვლად 15%-ს იხდიან.

ცარიელი კაფეები - Sputnik საქართველო
ბიზნესი ხელისუფლებისგან საგადასახადო შეღავათებს ითხოვს

„ასეთი საერთაშორისო კომპანიების გამოჩენა ბაზარზე საქართველოს ინოვაციური ეკოსისტემისთვის ძალიან მნიშვნელოვანია. ეს უნიკალური შესაძლებლობაა ჩვენი მოქალაქეებისთვის მაღალანაზღაურებადი სამუშაო მიიღონ“, - განაცხადა კასრაძემ პირველი არხის ეთერში.

მან აღნიშნა, რომ საგადასახადო შეღავათების გარდა საერთაშორისო ტექნოლოგიური კომპანიებისთვის მიმზიდველი აღმოჩნდა ინოვაციებისა და ტექნოლოგიების სააგენტოს მასშტაბური სასწავლო პროგრამა, რომლის ფარგლებში საერთო ჯამში სამი ათასი IT-სპეციალისტი აიმაღლებს კვალიფიკაციას.

EPAM Systems – 9 მილიარდი დოლარის წლიური შემოსავლის მქონე IT-კომპანიაა, რომელიც ნიუ-იორკის საფონდო ბირჟაზეა დარეგისტრირებული. 20 წლის წინ დაარსებული კომპანია მთელ მსოფლიოში 1000 თანამშრომელს და 23 ოფისს ითვლის (აშშ, პოლონეთი, ლიეტუვა, გერმანია, ბელარუსი, უკრაინა, რუსეთი, უზბეკეთი).

ყველა ახალი ამბავი
0