ქუთაისის კლინიკიდან გაპარული პაციენტი გარდაცვლილი იპოვეს

© Sputnik / Alexander Imedashviliპოლიციის ლენტი
პოლიციის ლენტი - Sputnik საქართველო
გამოწერა
ოჯახის ინფორმაციით, 76 წლის მამაკაცი ინტერვენციული მედიცინის ცენტრიდან 27 ნოემბერს გაუჩინარდა. მან კლინიკა უკანა კარიდან დატოვა. ცხედარი პოლიციამ კლინიკის მახლობლად იპოვა.

 თბილისი, 30 ნოემბერი – Sputnik. ქუთაისში კლინიკიდან გაუჩინარებული 76 წლის მამაკაცი გარდაცვლილი იპოვეს, იუწყება პირველი არხი.

პოლიცია ქუთაისში - Sputnik საქართველო
ქუთაისში კლინიკიდან გაუჩინარებულ 77 წლის პაციენტს მესამე დღეა ეძებენ

ანზორ ლომჯარიას კლინიკა 28 ნოემბერს უნდა დაეტოვებინა, თუმცა ის ინტერვენციული მედიცინის ცენტრიდან სამი დღის წინ გაიპარა. სავარაუდოდ, პაციენტი კლინიკის უკანა კარიდან გავიდა. გავრცელებული ინფორმაციით, მამაკაცს სიმსივნური დაავადების ფონზე მეხსიერების პრობლემა ჰქონდა.

როგორც შინაგან საქმეთა სამინისტროში განაცხადეს, პაციენტის ცხედარი სამართალდამცველებმა კლინიკასთან ახლოს ტყეში აღმოაჩინეს.

ამ დროისთვის ცხედარი პროზექტურაშია გადასვენებული.

მომხდარზე გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.

ყველა ახალი ამბავი
0