Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

ონიშჩენკომ განმარტა, რატომ არ უნდა აიცრას კორონავირუსზე უკლებლივ ყველა ადამიანი

© photo: Sputnik / Vladimir Trefilovგენადი ონიშჩენკო
გენადი ონიშჩენკო - Sputnik საქართველო
გამოწერა
მსოფლიოს ათობით ქვეყანა მუშაობს ახალი ტიპის კორონავირუსის საწინააღმდეგო ვაქცინაზე, რომელმაც მსოფლიოში აგორებული პანდემია უნდა შეაჩეროს

თბილისი, 28 ნოემბერი – Sputnik. რუსეთის ყოფილმა მთავარმა სანიტარულმა ექიმმა გენადი ონიშჩენკომ განაცხადა, რომ კორონავირუსის საწინააღმდეგო აცრა უნდა ჩაუტარდეს რისკ-ჯგუფებს, და არ მთელს მოსახლეობას, ამის შესახებ წერს РИА Новости.

მისი თქმით, რისკ-ჯგუფში შედიან არამარტო ხანდაზმული ადამიანები, არამედ ონკოლოგიური, ენდოკრინოლოგიური და კარდიოლოგიური დაავადებების მქონე ადამიანები. ყოფილი მთავარი სანიტარული ექიმის თქმით, ამ სიაში არიან ასევე მასწავლებლები და ექიმები.

COVID 19 იტალიაში - Sputnik საქართველო
გასროლა იტალიაში: გერმანელმა ეპიდემიოლოგმა პანდემიის სენსაციური ვერსია გამოთქვა

„ეს საკმარისი იქნება ეპიპროცესის გასაჩერებლად“, - განმარტა მან.

ონიშჩენკომ ასევე მოუწოდა მოსახლეობას, სერიოზულად მოეკიდონ აცრებს, რადგან ეს „სერიოზული იმუნობიოლოგიური ოპერაციაა“, თანაც ზოგიერთი დაავადების დროს მათი გაკეთება უკუჩვენებების გამო არ შეიძლება.

„ყველა დანარჩენისთვის შედეგი იქნება უკვე ერთი თვის შემდეგ, გაჩნდება ანტისხეულების დამცავი დონე. ეს საშუალებას მოგვცემს კოლექტიური იმუნიტეტის 60%-ზე და მეტი დონის გამომუშავებისთვის“, - დასასრულს აღნიშნა მან.

მსოფლიოს მასშტაბით კორონავირუსით ინფიცირების რაოდენობა უკვე 61 მილიონ ადამიანს აჭარბებს, გარდაიცვალა 1,4 მილიონზე მეტი პაციენტი. ჯანდაცვის მსოფლიო ორგანიზაციამ 11 მარტს COVID-19-ის აფეთქება პანდემიად გამოაცხადა.

ყველა ახალი ამბავი
0