თბილისი, 21 ნოემბერი – Sputnik. რუსეთის პრეზიდენტმა ვლადიმირ პუტინმა დასავლეთის სანქციების საპასუხოდ შემოღებული შემზღუდავი ზომების მოქმედების ვადა 2021 წლის ბოლომდე გააგრძელა. შესაბამისი ბრძანებულება სამართლებრივი ინფორმაციის ოფიციალურ ინტერნეტ–პორტალზე გამოქვეყნდა, იუწყება РИА Новости.
ლავროვი: რუსეთმა გერმანიასა და საფრანგეთს სარკისებური სანქციები დაუწესა>>
დოკუმენტის თანახმად, საპასუხო სანქციები 2021 წლის 31 დეკემებრამდე იმოქმედებს. მთავრობას დაევალება ბრძანებულების რეალიზაციის მიზნით ზომების განხორციელება და აუცილებლობის შემთხვევაში წინადადებების შეტანა შეზღუდვების მოქმედების ვადის ცვლილებებთან დაკავშირებით.
რუსეთმა შეზღუდვის ზომები დასავლეთის ქვეყნების წინააღმდეგ უკრაინაში და ყირიმის ირგვლივ სიტუაციის გამო დასავლეთის მიერ მოსკოვის წინააღმდეგ დაწესებული სანქციების საპასუხოდ 2014 წელს შემოიღო. კერძოდ, აკრძალულია რუსეთსი ზოგიერთი სახეობის სასოფლო–სამეურნეო პროდუქციის, ნედლეულისა და სურსათის შეტანა აშშ–იდან, ევროკავშირის ქვეყნებიდან, კანადიდან, ავსტრალიიდან და სხვა ქვეყნებიდან. სხვადასხვა პროდუქციას შორისაა ხორცი, ძეხვეული, თევზო და ზღვის პროდუქტები, ბოსტნეული, ხილი, რძის პროდუქცია.
დასავლური სანქციების შენარჩუნების მიხედვით რუსეთის საპასუხო ზომების მოქმედების ვადას აგრძელებს.
