პომპეო: აშშ ერევანსა და ბაქოს ეუთოს მინსკის ჯგუფთან მუშაობის განახლებას სთავაზობს

© photo: AFP 2020 / JACQUELYN MARTINმაიკ პომპეო
მაიკ პომპეო - Sputnik საქართველო
გამოწერა
აზერბაიჯანის, სომხეთისა და რუსეთის ლიდერებმა 9 ნოემბერს ხელი მოაწერეს განცხადებას მთიან ყარაბაღში 10 ნოემბრიდან ცეცხლისა და საომარი მოქმედებების შეწყვეტის შესახებ.

თბილისი, 17 ნოემბერი – Sputnik. აშშ სომხეთსა და აზერბაიჯანს მოუწოდებს მთიანი ყარაბაღის საკითხის გრძელვადიანი გადაწყვეტილების შემუშავებისთვის ეუთოს მინსკის ჯგუფის თანათავმჯდომარეებთან მუშაობა განაახლონ, განაცხადა აშშ–ის სახელმწიფო მდივანმა მაიკ პომპეომ. შესაბამისი განცხადება აშშ–ის სახელმწიფო დეპარტამენტის პრეს–სამსახურმა გაავრცელა, იუწყება „Sputnik სომხეთი“.

 „ამერიკის შეერთებული შტატები მიესალმება სომხეთსა და აზერბაიჯანს შორის აქტიური ძალადობის შეწყვეტას... ჩვენ მხარეებს მოვუწოდებთ რაც შეიძლება მალე განაახლონ მუშაობა მინსკის ჯგუფის თანათავმჯდომარეებთან...  მთიანი ყარაბაღის კონფლიქტთან დაკავშირებით გრძელვადიანი და სხვა პოლიტიკური გადაწყვეტილებების მიღწევისათვის “, – ნათქვამია განცხადებაში. 

რუსი სამშვიდობოები - Sputnik საქართველო
პუტინი: მოსკოვი ყარაბაღთან დაკავშირებით სტატუს–კვოს ინარჩუნებს

მთიან ყარაბაღში 27 სექტემბერს საომარი მოქმედებები დაიწყო, რაშიც ერევანი და ბაქო ერთმანეთს სდებდნენ ბრალს. მხარეებმა რამდენჯერმე მოილაპარაკეს ცეცხლის შეწყვეტაზე, მაგრამ ბრძოლები არ წყდებოდა.

აზერბაიჯანის, სომხეთისა და რუსეთის ლიდერებმა — ილჰამ ალიევმა, ნიკოლ ფაშინიანმა და ვლადიმირ პუტინმა 9 ნოემბერს ხელი მოაწერეს განცხადებას მთიან ყარაბაღში 10 ნოემბრიდან ცეცხლისა და საომარი მოქმედებების შეწყვეტის შესახებ. შეთანხმების მიხედვით, ამ დროისათვის ყარაბაღში რუსი სამშვიდობოები შედიან, აზერბაიჯანი და სომხეთი დაკავებულ პოზიციებზე რჩებიან და ამასთან მიმდინარეობს ტყვეთა გაცვლა. ნოემბერ–დეკემბერში სომხეთი აზერბაიჯანს მთიანი ყარაბაღის ტერიტორიების დიდ ნაწილს გადააბარებს.

ყველა ახალი ამბავი
0