თბილისი, 7 ნოემბერი - Sputnik. ვაკეში, აბულაძის ქუჩაზე მდებარე Axis Towers-ის („აქსის თაუერსი") შენობასთან ხანძარია, იუწყება ტელეკომპანია „რუსთავი2“.
გავრცელებული ინფორმაციით, ცეცხლი აბულაძის ქუჩაზე 50 კვ მეტრი ფართობის ღობეს უკიდია.
ადგილზე 2 სახანძრო-სამაშველო ეკიპაჟია მობილიზებული. ინციდენტის შედეგად არავინ არ დაშავებულა.
ხანძრის გამომწვევი მიზეზი ამ დროისთვის უცნობია.
