თბილისი, 5 ნოემბერი – Sputnik. საქართველოში ბოლო დღე-ღამეში ახალი კორონავირუსით კიდევ 20 ადამიანი გარდაიცვალა. ამ დროისათვის გარდაცვლილთა რაოდენობაა 401. ინფორმაცია ამის შესახებ საქართველოს მთავრობის სპეციალურ ვებ-გვერდზე stopcov.ge განახლდა.
საქართველოში ახალი კორონავირუსით დაავადებულთა რაოდენობა ბოლო დღე-ღამეში 2401-ით გაიზარდა და ინფიცირებულთა საერთო რიცხვმა 49218-ს მიაღწია.
ამ დროისათვის სულ გამოჯანმრთელდა 33 459 ადამიანი (ბოლო დღე-ღამეში – 2 289), კარანტინის რეჟიმშია 3 160, სტაციონარებში ექიმების დაკვირვების ქვეშ 4 489 პაციენტია, ხოლო კოვიდ–სასტუმროებში 2 446 ადამიანი იმყოფება.
საქართველოში კორონავირუსის პირველი შემთხვევა 26 თებერვალს დაფიქსირდა.