ცესკოს მონაცემებით, ქვეყნის საკანონმდებლო ორგანოში შედიან მმართველი პარტია „ქართული ოცნება – დემოკრატიული საქართველო“ (48,15%) და ოპოზიციური ბლოკი „ძალა ერთობაშია“ (27,14%), რომლის შემადგენლობაშიცაა ყოფილი მმართველი პარტია „ერთიანი ნაციონალური მოძრაობა“.
„Sputnik–საქართველოს“ ინფოგრაფიკაში წარმოდგენილია ყველა იმ პარტიის მონაცემები, რომლებიც მეათე მოწვევის პარლამენტში შევიდნენ.
არჩევნებში 48 პარტიამ და ორმა საარჩევნო ბლოკმა მიიღო მონაწილეობა. ქვეყნის მოსახლეობამ 150 დეპუტატიდან 120 პარტიული სიით (პროპორციული სისტემა), 30 კი მაჟორიტარული წესით აირჩია. პარტიებისთვის გამსვლელი ბარიერი 1% იყო, მაჟორიტარობის კანდიდატებს კი ხმების 50%-ზე მეტი უნდა მოეპოვებინათ. საქართველოში პირველად ჩატარდა არჩევნები კორონავირუსის პირობებში.
