თბილისი, 1 ნოემბერი – Sputnik. მოლდოვის პრეზიდენტის არჩევნები 1 ნოემბერს გაიმართა. საარჩევნო უბნები 07:00 საათზე გაიხსნა და თბილისის დროით 23:00 საათზე დაიხურა, იუწყება Sputnik-მოლდოვა.
ბოლო მონაცემებით, მოლდოვას ტერიტორიაზე ხმა მისცა 1 211 147-მა ამომრჩეველმა. უცხოეთში კენჭისყრა გრძელდება. წინასწარი შეფასებებით, იქ ხმის მიცემის უფლებით 136 619 ამომრჩეველმა ისარგებლა.
სახელმწიფოს მეთაურის პოსტზე კენჭს იყრიდა 8 კანდიდატი. ესენი არიან: რენატო უსატი („ჩვენი პარტია“), ანდრეი ნესტასე („პლატფორმა „ღირსება და სიმართლე“), ტუდორ დელიუ (მოლდოვას ლიბერალურ-დემოკრატიული პარტია), იგორ დოდონი (დამოუკიდებელი კანდიდატი), ვიოლეტა ივანოვა („შორი“), მაია სანდუ („მოქმედება და სოლიდარობა“), ოქტავიან ციკუ (ეროვნული ერთიანობის პარტია), დორინ კირტოაკე (საარჩევნო ბლოკი UNIREA).
დაწყებული ხმების დათვლის პროცესი.
ქვეყნის კონსტიტუციით, მოლდოვის პრეზიდენტი ოთხი წლით აირჩევა და თანამდებობას ფიცის დადების დღიდან იკავებს. სახელმწიფოს მეთაურის პოსტზე კენჭისყრის უფლება აქვს საარჩევნო უფლების მქონე 40 წელს მიღწეულ მოქალაქეს, რომელიც მოლდოვას ტერიტორიაზე ცხოვრობს ან უცხოვრია სულ მცირე 10 წლის განმავლობაში და ფლობს სახელმწიფო ენას.
