Wizz Air საქართველოში ბაზას, სავარაუდოდ, 2021 წლის გაზაფხულზე აღადგენს

CC BY-SA 2.0 / Alec Wilson / HA-LWF ავიაკომპანია Wizz Air
 ავიაკომპანია Wizz Air - Sputnik საქართველო
გამოწერა
ნათია თურნავას განცხადებით, ავიაკომპანიები ოპტიმიზმით უყურებენ საქართველოში ფრენების სამომავლო პერსპექტივებს, განსაკუთრებით, ტურიზმის აღდგენის კუთხით.

თბილისი, 30 ოქტომბერი – Sputnik. უნგრულმა ავიაკომპანია Wizz Air-მა შეიძლება ქუთაისში ფრენების ბაზა 2021 წლის გაზაფხულზე აღადგინოს, განაცხადა ეკონომიკისა და მდგრადი განვითარების მინისტრმა ნათია თურნავამ. 

თვითმფრინავი - Sputnik საქართველო
ნათია თურნავა: რეგულარული ფრენები ეტაპობრივად აღდგება

მინისტრის თქმით, კომპანიას თავისი ბაზების შემცირება და ფრენების შეწყვეტა კორონავირუსის პანდემიის გამო მოუხდა. თუმცა ახლა საქართველოში ბაზის აღდგენის საკითხს კვლავ განიხილავს.

„Wizz Аir ვარაუდობს, რომ გაზაფხულზე საქართველოში ბაზებს აღადგენს. ეს იმას ნიშნავს, რომ ეს იყო პანდემიით გამოწვეული დროებითი გადაწყვეტილება და ბევრ ქვეყანაში ავიაკომპანიებს და, მათ შორის, Wizz Аir-ს თავისი ბაზების შემცირება და ფრენების შეწყვეტა მოუწია, მაგრამ ახლა ჩვენი ეკონომიკის განვითარებაში ხედავს პოზიტიურ ტრაექტორიას და აცხადებს, რომ გაზაფხულზე, დიდი ალბათობით, აქ ბაზა აღდგება“, – განაცხადა თურნავამ ჟურნალისტებთან.

ეკონომიკის მინისტრის განცხადებით, ავიაკომპანიები ოპტიმიზმით უყურებენ საქართველოში ფრენების სამომავლო პერსპექტივებსა და ტურიზმის აღდგენის შესაძლებლობებს. თუმცა, მისი თქმით, ეს ერთბაშად არ მოხდება და პროცესი ეტაპობრივი იქნება.

დაბალბიუჯეტიანი ავიაკომპანია Wizz Air ქართულ საავიაციო ბაზარზე 2012 წლიდან ოპერირებს. იგი ერთ-ერთი წამყვანი ავიაკომპანია გახდა საქართველოში, რომელმაც 2,5 მილიონზე მეტი მგზავრის გადაყვანა უზრუნველყო, რამაც ბოლო წლებში მნიშვნელოვნად შეუწყო ხელი ავიამიმოსვლისა და ტურიზმის გაძლიერებას. ავიაკომპანია ფრენებს ქუთაისის საერთაშორისო აეროპორტიდან ასრულებს.

ყველა ახალი ამბავი
0