ქურდობა ბეთუმში: სახლის პატრონმა ბოროტმოქმედს წინააღმდეგობა გაუწია

© photo: Sputnik / Stringerსაპატრულო პოლიცია
საპატრულო პოლიცია - Sputnik საქართველო
გამოწერა
სახლის მეპატრონემ უცნობისთვის წინააღმდეგობის გაწევა სცადა, რის შემდეგაც ბოროტმოქმედმა მას თავში ბლაგვი საგანი რამდენჯერმე ჩაარტყა.

თბილისი, 25 ოქტომბერი – Sputnik. ბათუმში, ფრიდონ ხალვაშის გამზირზე ერთ-ერთ საცხოვრებელ სახლში გამთენიისას უცნობი პირი სავარაუდოდ სახლის გასაქურდად შეიპარა, იუწყება საქართველოს პირველი არხი.

ინკასატორების მიკროავტობუსი - Sputnik საქართველო
ინკასატორის დაყაჩაღება: ქობულეთში ძარცვის ფაქტი გახსნილია

ტელეკომპანიის ინფორმაციით, სახლის მეპატრონემ, 51 წლის მამაკაცმა მისთვის წინააღმდეგობის გაწევა სცადა, რის შემდეგაც უცნობმა მას თავში ბლაგვი საგანი რამდენჯერმე ჩაარტყა.

დაშავებული კლინიკაშია გადაყვანილი. მედიკოსების ინფორმაციით, მას სახის ძვლების მოტეხილობა აღენიშნება, თავის ტვინი კი დაზიანებული არ არის. 

მამაკაცის ჯანმრთელობის მდგომარეობა ექიმების შეფასებით საშუალო სიმძიმისაა.

ჯერჯერობით უცნობია, არის თუ არა წაღებული თანხა. ასევე უცნობია, დააკავეს თუ არა ქურდი.

საქართველოს შინაგან საქმეთა სამინისტროში ფაქტს ადასტურებენ. უწყების ინფორმაციით, გამოძიება სისხლის სამართლის კოდექსის 177-ე ქურდობის მუხლით მიმდინარეობს.

ყველა ახალი ამბავი
0