თბილისი, 24 ოქტომბერი — Sputnik. ჰოლივუდის ცნობილმა მსახიობმა და აშშ-ის კალიფორნიის შტატის ყოფილმა გუბერნატორმა, არნოლდ შვარცენეგერმა გულის სარქვლის შეცვლის ოპერაცია გადაიტანა.
ოპერაცია კლივლენდის კლინიკაში ჩატარდა. 73 წლის მსახიობის თქმით, ის თავს „ფანტასტიკურად“ გრძნობს.
„კლივლენდის კლინიკის გუნდის წყალობით მე მაქვს აორტის ახალი სარქველი, ახალ ფილტვის სარქველთან ერთად, რომელიც წინა ოპერაციიდან მაქვს. თავს ვგრძნობ ფანტასტიკურად და უკვე ვსეირნობ კლივლენდის ქუჩებში, სადაც თქვენი შესანიშნავი ქანდაკებებით ვტკბები“, - დაწერა შვარცენეგერმა Twitter-ში.
Thanks to the team at the Cleveland Clinic, I have a new aortic valve to go along with my new pulmonary valve from my last surgery. I feel fantastic and have already been walking the streets of Cleveland enjoying your amazing statues. Thank you to every doc and nurse on my team! pic.twitter.com/hmIbsEMHtA
— Arnold (@Schwarzenegger) October 23, 2020
მსახიობმა მადლობა გადაუხადა თითოეულ ექიმსა და ექთანს, რომლებიც მასთან მუშაობდნენ.
