თბილისი, 23 ოქტომბერი — Sputnik. საუდის არაბეთის პრინცმა, რომელიც უკვე 15 წელია კომაშია, ხელი განძრია და ინტერნეტ-სენსაციად იქცა.
გავრცელებული ინფორმაციით, ალ-ვალიდ ბელ ჰალიდ ალ-საუდს ექიმმა გადაუღო ვიდეო და Twitter-ზე გამოაქვეყნა. კადრებში ისმის ექიმის ხმა, რომელიც პრინცს ჯერ თითების განძრევას, შემდეგ კი ხელის მაღლა აწევას სთხოვს და კომაში მყოფიც ემორჩილება მის თხოვნას.
ابن الغالي الحبيب خالد بن طلال الوليد
— Noura (@Nora_bnt_Talal) October 19, 2020
الحمدلله الذي يحيي من يشاء بأمره
الحمدلله الذي رد لك عافيتك فلا يأس مع قدرة الله pic.twitter.com/QObPiUxtRJ
პრინცი ალ-ვალიდი 2005 წლის იანვარში ავტოავარიაში მოყვა და მას შემდეგ ფილტვების ხელოვნური ვენტილაციის აპარატზეა მიერთებული. მართალია, ექიმებმა ავარიის შემდეგ მას ტვინის სიკვდილი დაუდგინეს, მაგრამ მისი მამა ჯალედ ბენ თალალი შვილის გამოჯანმრთელების იმედს არ კარგავდა და მკურნალობა არ შეუწყვეტია.
გამძვინვარებული მამის „მცირე ომი“ სპეცრაზმთან შვილის სიცოცხლის გადასარჩენად>>
დაახლოებით ხუთი წლის წინ პრინცი საავადმყოფოდან სახლში გადაიყვანეს, სადაც მკურნალობენ კიდეც ექიმები. ერთი წლის წინ საუდის არაბეთის სამეფო ოჯახმა ოფიციალურად გამოაცხადა, რომ 42 წლის პრინცმა ალ-ვალიდმა ხმაზე რეაგირება დაიწყო.
