ზუგდიდში თავდამსხმელმა მძევლად აყვანილი კიდევ ორი პირი გაათავისუფლა

© Sputnik / STRINGERსპეცოპერაცია ზუგდიდში
სპეცოპერაცია ზუგდიდში - Sputnik საქართველო
გამოწერა
მანამდე თავდამსხმელმა ეტაპობრივად ხუთი მძევალი გაათავისუფლა. საპოლიციო მოქმედებებს ვახტანგ გომელაური ხელმძღვანელობს.

თბილისი, 21 ოქტომბერი – Sputnik. ზუგდიდში „საქართველოს ბანკზე“ თავდამსხმელმა კიდევ ორი მძევალი გაათავისუფლა.

ამ დროისათვის ზუგდიდში იმყოფება შინაგან საქმეთა მინისტრი ვახტანგ გომელაური, რომელიც უშუალოდ არის ჩართული საპოლიციო მოქმედებებში.

ირაკლი კობახიძე - Sputnik საქართველო
სპეცოპერაცია ზუგდიდში: კობახიძემ მედიასაშუალებები გააკრიტიკა

მანამდე თავდამსხმელმა ეტაპობრივად ხუთი მძევალი გაათავისუფლა, მათ შორის ორსული ქალი.

რამდენიმე საათის წინ ზუგდიდში, ზვიად გამსახურდიას გამზირზე მდებარე „საქართველოს ბანკის“ ფილიალზე თავდასხმა მოხდა. შეიარაღებულ პირს მძევლად ოცამდე ადამიანი – ბანკის თანამშრომლები და კლიენტები ჰყავს აყვანილი.

გავრცელებული ინფორმაციით, თავდამსხმელი 500 ათას დოლარს და შენობიდან უსაფრთხოდ გასვლას ითხოვს.

შემთხვევის ადგილზე მობილიზებულია საპატრულო პოლიციისა და სპეციალური დანიშნულების რაზმები. პოლიციამ მიმდებარე ტერიტორიიდან ადამიანების ევაკუაცია განახორციელა.

ყველა ახალი ამბავი
0