თბილისი, 21 ოქტომბერი – Sputnik. ზუგდიდში, „საქართველოს ბანკის“ ფილიალში, სადაც თავდასხმა მოხდა, მძევლებს შორის ქალაქის მერის ოჯახის წევრია. ინფორმაციას ტელეკომპანია „რუსთავი 2“ ავრცელებს.
ზუგდიდში, გამსახურდიას ქუჩაზე მდებარე „საქართველოს ბანკის" ფილიალზე შეიარაღებული თავდასხმა დაახლოებით დღის 2 საათზე მოხდა.
21 ოქტომბერი 2020, 17:16
გავრცელებული ინფორმაციით, შეიარაღებულ პირს მძევლად ჰყავს აყვანილი როგორც ბანკის თანამშრომლები, ისე ბანკში მყოფი რიგითი მოქალაქეები.
თავდამსხმელი 500 ათას დოლარს, ვერტმფრენსა და შენობიდან უსაფრთხოდ გასვლის გარანტიებს მოითხოვს და ამ მოთხოვნების შესასრულებლად 2 საათს იძლევა.
ამ დროისათვის ადგილზე მობილიზებული არიან სამართალდამცველები და მიმდინარეობს დამნაშავის გაუვნებელყოფის ოპერაცია.
