ძალადობისა და მუქარის ფაქტები: საია ანგარიშს აქვეყნებს

© Sputnik / Alexander Imedashviliძალადობისა და მუქარის ფაქტები: საია ანგარიშს აქვეყნებს
ძალადობისა და მუქარის ფაქტები: საია ანგარიშს აქვეყნებს - Sputnik საქართველო
საქართველოში საპარლამენტო არჩევნები 31 ოქტომბერს გაიმართება. პარალელურად ამავე დღეს აჭარის უმაღლესი საბჭოს და რამდენიმე მუნიციპალიტეტში მერებისა და საკრებულოს დეპუტატების არჩევნები ჩატარდება.

თბილისი, 13 ოქტომბერი — Sputnik. სექტემბერში წინასაარჩევნო კამპანიის ჩატარების პერიოდში ძალადობისა და მუქარის 11 შემთხვევა დაფიქსირდა, ნათქვამია არასამთავრობო ორგანიზაცია „საქართველოს ახალგაზრდა იურისტთა ასოციაციის“ (საია) შუალედურ ანგარიშში.

გრძელვადიანი სადამკვირვებლო მისიის ფარგლებში საია წინასაარჩევნო პროცესის მონიტორინგს ახორციელებს როგორც თბილისში, ისე რეგიონებში. საპარლამენტო არჩევნების მეორე შუალედური ანგარიში ფარავს სექტემბრის თვეში გამოვლენილ დარღვევებსა და ისეთ შემთხვევებს, რაც ცუდი პრაქტიკაა. 

ბიძინა ივანიშვილი - Sputnik საქართველო
ივანიშვილი: „მე ვგმობ ყველანაირ ძალადობას, ნუ აყვებით პროვოკაციებს...“

ძალადობისა და მუქარის შემთხვევებთან ერთად, აღნიშნულ პერიოდში არასამთავრობო ორგანიზაციამ დააფიქსირა პარტიიდან სახელმწიფოს გამიჯვნის მოთხოვნის უგულებელყოფის ერთი შემთხვევა, პარტიის წინასაარჩევნო კამპანიისთვის დაბრკოლებების შექმნის სამი შემთხვევა.

„მინდა განსაკუთრებული ყურადღება გავამახვილო ძალადობისა და მუქარის შემთხვევებზე. სექტემბერში მსგავსი 11 ფაქტი დაფიქსირდა. მათი უმეტესობა პარტია „ლელოს“ წევრებზე მოდის, კერძოდ, მათ საქმიანობაში ხელის შეშლა, როდესაც წინააღმდეგობა ვლინდებოდა ძალადობისა და მუქარის შემცველი ელემენტებით“, – განაცხადა საიას თავმჯდომარემ სულხან სალაძემ ჟურნალისტებთან.

მისი თქმით, თითოეული შემთხვევა დანაშაულის ნიშნებს შეიცავს და უნდა დაიწყოს გამოძიება.

ანგარიშში ასევე ნათქვამია, რომ კვლავ გამოწვევად რჩება სამთავრობო პროექტების პერსონიფიცირება და კონკრეტულ პარტიასთან აფილირება, რაც აღიქმება მმართველი პარტიის კამპანიის ნაწილად, აგრეთვე ამომრჩევლის ნებაზე მანიპულაციად. 

საქართველოში საპარლამენტო არჩევნები 31 ოქტომბერს არის დანიშნული. პარალელურად ამავე დღეს აჭარის უმაღლესი საბჭოს და რამდენიმე მუნიციპალიტეტში მერებისა და საკრებულოს დეპუტატების არჩევნები ჩატარდება. 

საპატრულო პოლიცია - Sputnik საქართველო
მარნეულში მომხდარი თავდასხმის გამო სამი პირია დაკავებული

ამ ეტაპზე სადამკვირვებლო ორგანიზაციებს მხოლოდ განაცხადები შეაქვთ ცესკოში. სადამკვირვებლო ორგანიზაციებისა და დამკვირვებლების ზუსტი რაოდენობა ცნობილი არჩევნებამდე ერთი კვირით ადრე გახდება.

ამ დროისათვის ცესკომ საერთაშორისო დამკვირვებლის სტატუსით უკვე დაარეგისტრირა: „ადამიანის უფლებათა საერთაშორისო საზოგადოება" (ISHR), „საერთაშორისო რესპუბლიკური ინსტიტუტი" (IRI), „საერთაშორისო საქმეთა ეროვნული დემოკრატიული ინსტიტუტი" (NDI), „საარჩევნო სისტემების საერთაშორისო ფონდი" (IFES), „ინიციატივა დიალოგისა და დემოკრატიისთვის" (SILBA) და ამერიკის შეერთებული შტატების საელჩო საქართველოში, იტალიის საელჩო საქართველოში, ალბანეთის ცესკო, საპარლამენტო სწავლებების საერთაშორისო ცენტრი (ICPS) DELLAN Project და ეუთოს დემოკრატიული ინსტიტუტებისა და ადამიანის უფლებების (OSCE/ODIHR) ოფისი.

ადგილობრივი ორგანიზაციების რაოდენობა გაცილებით მეტია, მათ შორის არიან ისეთი გამოცდილი ორგანიზაციები, როგორიცაა „საქართველოს ახალგაზრდა იურისტთა ასოციაცია“, „საერთაშორისო გამჭვირვალობა – საქართველო“, „სამართლიანი არჩევნებისა და დემოკრატიის საერთაშორისო საზოგადოება“ და ა.შ.

ყველა ახალი ამბავი
0
თავიდან ახლებითავიდან ძველები
loader
ეთერში
Заголовок открываемого материала
საერთაშორისო
InternationalEnglishინგლისურიMundoEspañolესპანური
ევროპა
DeutschlandDeutschგერმანულიFranceFrançaisფრანგულიΕλλάδαΕλληνικάბერძნულიItaliaItalianoიტალიურიČeská republikaČeštinaჩეხურიPolskaPolskiპოლონურიСрбиjаСрпскиსერბულიLatvijaLatviešuლატვიურიLietuvaLietuviųლიეტუვურიMoldovaMoldoveneascăმოლდოვურიБеларусьБеларускiბელარუსული
ამიერკავკასია
ԱրմենիաՀայերենსომხურისაქართველოქართულიქართულიAzərbaycanАzərbaycancaაზერბაიჯანული
ახლო აღმოსავლეთი
Sputnik عربيArabicარაბულიTürkiyeTürkçeთურქულიSputnik ایرانPersianფარსიSputnik افغانستانDariდარი
ცენტრალური აზია
ҚазақстанҚазақ тіліყაზახურიКыргызстанКыргызчаყირგიზულიOʻzbekistonЎзбекчаუზბეკურიТоҷикистонТоҷикӣტაჯიკური
აღმოსავლეთი და სამხრეთ-აღმოსავლეთი აზია
Việt NamTiếng Việtვიეტნამური日本日本語იაპონური俄罗斯卫星通讯社中文(简体)ჩინური (გამარტ.)俄罗斯卫星通讯社中文(繁体)ჩინური (ტრად.)
სამხრეთი ამერიკა
BrasilPortuguêsპორტუგალიური