საქართველოს ფეხბურთის ახალგაზრდულმა ნაკრებმა აზერბაიჯანელ თანატოლებს მოუგო

© photo: Sputnik / Stringerფეხბურთის ბურთები
ფეხბურთის ბურთები - Sputnik საქართველო
გამოწერა
ამ გამარჯვების შემდეგ საქართველოს ახალგაზრდული ნაკრების აქტივში, ცხრა ჩატარებული მატჩის შემდეგ, 12 ქულაა და გუნდი შესარჩევ ჯგუფში ამჟამად მესამე ადგილს იკავებს

თბილისი, 13 ოქტომბერი  - Sputnik. საქართველოს ახალგაზრდულმა საფეხბურთო ნაკრებმა (U-21) აზერბაიჯანის გუნდი ევროპის ჩემპიონატის შესარჩევ მატჩში 1:0 დაამარცხა. შეხვედრა გორში გაიმართა.

ერთადერთი გოლი მატჩში პირველი ტაიმის მიწურულს თბილისის „საბურთალოს“ თავდამსხმელმა გიორგი გულიაშვილმა გაიტანა.

საქართველოს ახალგაზრდრული საფეხბურთო ნაკრები - Sputnik საქართველო
საქართველოს ახალგაზრდული ნაკრების მარცხი - შვეიცარიამ სამი უპასუხო გოლი გაგვიტანა

მთელი მატჩის განმავლობაში სათამაშო და ტერიტორიული უპირატესობა მასპინძლებს ჰქონდათ, მაგრამ ქართველმა ფეხბურთელებმა რვა საგოლე დარტყმიდან მხოლოდ ერთის რეალიზება შეძლეს. ასევე აღსანიშნავია, რომ 77–ე წუთიდან აზერბაიჯანელები უმცირესობაში დარჩნენ, რადგან მსაჯმა მეორე ყვითელი ბარათის შემდეგ მინდვრიდან თურან ვილიზადა გააძევა.

ამ გამარჯვების შემდეგ საქართველოს ნაკრების აქტივში, ცხრა ჩატარებული მატჩის შემდეგ, 12 ქულაა და ვასილ მაისურაძის გუნდი შესარჩევ ჯგუფში მესამე ადგილზეა.

ევროპის ჩემპიონატის კვალიფიკაციაში საქართველოს ახალგაზრდული ნაკრები დასკვნით მატჩს სლოვაკეთის წინააღმდეგ 12 ნოემბერს საკუთარ მოედანზე გამართავს.

ყველა ახალი ამბავი
0