თბილისი, 12 ოქტომბერი – sputnik. სამართალდამცველებმა ხონის მუნიციპალიტეტში 72 წლის მამაკაცი არასრულწლოვნის მიმართ გარყვნილი ქმედების ბრალდებით დააკავეს, იუწყება შსს-ს პრეს-სამსახური.
გავრცელებული ინფორმაციით, ბრალდებულმა მიმდინარე წლის 9 ოქტომბერს ცხრა წლის ბავშვთან გარყვნილი ქმედება ჩაიდინა.
პოლიციამ ჩატარებული ოპერატიულ-სამძებრო და საგამოძიებო მოქმედებების შედეგად მამაკაცი დღეს დააკავა.
მომხდარ ფაქტზე გამოძიება სსკ-ის 141-ე მუხლის მეორე ნაწილის „ვ“ ქვეპუნქტით მიმდინარეობს. დანაშაული 8-დან 12 წლამდე ვადით თავისუფლების აღკვეთას ითვალისწინებს.
