„გამოიყენეთ პირბადე ღია სივრცეებშიც“: მთავრობა მოსახლეობას რეკომენდაციით მიმართავს

© Sputnik / Viktor Kaminskyადამიანები ქუჩაში პირბადით
ადამიანები ქუჩაში პირბადით - Sputnik საქართველო
გამოწერა
დღეს ცნობილი გახდა, რომ დამატებითი შეზღუდვების თავიდან ასაცილებლად, შესაძლოა, პირბადეების გამოყენებასთან დაკავშირებით ღონისძიებები გამკაცრდეს.

თბილისი, 12 ოქტომბერი – Sputnik. უწყებათშორისი საკოორდინაციო საბჭო მოქალაქეებს რეკომენდაციით მიმართავს, პირბადეები ღია სივრცეებშიც ატარონ, ნათქვამია საქართველოს მთავრობის ადმინისტრაციის მიერ გავრცელებულ განცხადებაში.

გამყრელიძე: პოლიტიკოსებს მოვუწოდებ, შეხვედრები ღია სივრცეში პირბადის გამოყენებით გამართონ>>

სექტემბრის დასაწყისიდან საქართველოში მკვეთრად იმატა კორონავირუსით ინფიცირებულთა რაოდენობამ. ბოლო დღეებში თბილისში მაჩვენებლები საგრძნობლად გაიზარდა. დღეს გამოვლენილი 478 ახალი შემთხვევიდან 178 სწორედ დედაქალაქს უკავშირდება.

სამედიცინო მუშაკი - Sputnik საქართველო
დღეს უკვე მეორე – საქართველოში კორონავირუსით კიდევ ერთი პაციენტი გარდაიცვალა

„იმის გათვალისწინებით, რომ დედაქალაქში მობილობა განსაკუთრებით მაღალია და ვირუსიც, შესაძლოა, უფრო სწრაფად გავრცელდეს, საბჭოს რეკომენდაციაა – მოქალაქეებმა პირბადე ღია სივრცეებშიც ატარონ, რამდენადაც ის მსოფლიოში ამ ეტაპზე თავდაცვის საუკეთესო საშუალებად მიიჩნევა“, – აღნიშნულია განცხადებაში.

მთავრობა მოქალაქეებსა და ორგანიზაციებს მოუწოდებს, მაქსიმალურად შეასრულონ საზოგადოებრივი ჯანმრთელობის სფეროს სპეციალისტების რჩევები, ატარონ პირბადე, დაიცვან სოციალური დისტანცია და მაქსიმალურად შეინარჩუნონ მუშაობის დისტანციური რეჟიმი.

უწყებათშორისი საბჭო ასევე რეკომენდაციით მიმართავს ხანდაზმულებს, მაქსიმალურად დარჩნენ სახლში გადაუდებელი აუცილებლობის შემთხვევების გარდა.

ტესტირება აჭარაში - Sputnik საქართველო
გამყრელიძე: აჭარაში შემზღუდავი ღონისძიებები ჯერ არ იხსნება

დღეს საქართველოს ჯანდაცვის მინისტრმა ეკატერინე ტიკარაძემაც განაცხადა, რომ პანდემიის პირობებში პირბადეების გამოყენებასთან დაკავშირებით შესაძლოა ღონისძიებები გამკაცრდეს. მან იმედი გამოთქვა, რომ თბილისში პირბადეების ინტენსიური ტარებისა და რეკომენდაციების დაცვის შემთხვევაში დამატებითი შეზღუდვების მიღება არ გახდება საჭირო.

ამ დროისათვის საქართველოში კორონავირუსის 12 272 შემთხვევაა დადასტურებული, გამოჯანმრთელებულია 6 538 ადამიანი, 93 პაციენტი კი გარდაიცვალა.

კარანტინის რეჟიმში იმყოფება 5590, სტაციონარებში მეთვალყურეობის ქვეშ 836 პაციენტია, ხოლო კოვიდ-სასტუმროებში მყოფი პირების რაოდენობა 1393-ს შეადგენს.

ყველა ახალი ამბავი
0