თბილისი, 12 ოქტომბერი — Sputnik. არასრულწლოვანმა ბიჭუნამ სასკოლო ავტობუსი გაიტაცა და ნახევარი საათის განმავლობაში ადევნინა თავი პოლიციას, იუწყება ტელეარხი WBRZ.
გავრცელებული ინფორმაციით, შემთხვევა ლუიზიანას შტატის (აშშ) ქალაქ ბატონ-რუჟში მოხდა.
როგორც ირკვევა, 11 წლის ბიჭი ავტობუსში ჩუმად აიპარა, დაქოქა და გაიქცა. პოლიცია დაედევნა პატარა გამტაცებელს, მაგრამ სანამ ის დაახლოებით 30 წუთის შემედგ თავისით არ შეეჯახა ჯერ გაზსადენს, მერე კი ხეს, მისი გაჩერება ვერ მოახერხეს.
პოლიციელებმა მცირეწლოვანი კანონდამრღვევი ავტობუსიდან ჩამოაბრძანეს და ხელბორკილები დაადეს, მერე კი არასრულწლოვანთა დაკავების ცენტრში გადაიყვანეს.
#update Here’s a closer look at the bus. The homeowners said they saw the kid get out of the bus and he looked okay. Still no confirmation on an age, but the homeowners say the child was very small. @WBRZ pic.twitter.com/vg8bCFNnWG
— Sydney Kern (@sydneykern) October 11, 2020
ბიჭს რამდენიმე მუხლით აქვს ბრალი წაყენებული. ავტომობილის გატაცების გარდა, სამართალდამცველები მას დამამძიმებელ გარემოებაში ძალადობის ფაქტზეც ედავებიან. პოლიციაში განმარტეს, რომ ამ შემთხვევაში საუბარია იმაზე, რომ მცირეწლოვანი დამნაშავე „განზრახ ცდილობდა სატრანსპორტო საშუალებით დაჯახებას“.
მეორე ტელეარხი WAFB9 აკონკრეტებს, რომ ნახევარსაათიან დევნაში, რა დროსაც გამტაცებელმა და სამართალდამცველებმა ქალაქის რამდენიმე რაიონის გავლა მოასწრეს, ათობით პოლიციელი მონაწილეობდა.
