ნათელაშვილი: ქათმის დაკვლას ვერ ვუყურებ, მაგრამ დახვრეტის შესაძლებლობაზე ვიმსჯელებდი
„მე პირადად წინააღმდეგი ვარ მოკვდინების, მე არ შემიძლია ვუყურო ქათმის დაკვლასაც კი, ძალიან ცუდად მოქმედებს, მაგრამ მე არ ვარ მომხრე იმისა, რომ პოტენციური მკვლელი არ გრძნობდეს შესაძლო შედეგს ქმედებისათვის. კანონში სანქციას – უვადოს, სიკვდილით დასჯას აქვს გამაფრთხილებელი ხასიათი, ანუ დამნაშავე სანამ ჩაიდენს დანაშაულს, კანონებს სწავლობს", – ამბობს შალვა ნათელაშვილი.
ლეიბორისტთა ლიდერის თქმით, მოსამართლე რომ ყოფილიყო, ზოგიერთი მძიმე შემთხვევის დროს სიკდილით დასჯასა და დახვრეტის შესაძლებლობაზეც იმსჯელებდა.
