თბილისი, 1 ოქტომბერი — Sputnik. შინაგან საქმეთა სამინისტროს თანამშრომლებმა ყვარელში ვენახებიდან ყურძნის ქურდობის მცდელობის ფაქტზე ოთხი პირი დააკავეს, ნათქვამია უწყების მიერ გავრცელებულ განცხადებაში.
სამართალდამცველებმა ბრალდებულები იმ დროს დააკავეს, როდესაც ისინი ღამით სხვის ვენახებში ფარულად შევიდნენ და „საფერავის“ ჯიშის ყურძენს იპარავდნენ.
პოლიციამ დაახლოებით ნახევარი ტონა ყურძენი ნივთმტკიცებად ამოიღო.
დაკავებულები ჩადენილ დანაშაულს აღიარებენ.
გამოძება დაწყებულია სსკ-ის 19-177 მუხლის პირველი და მესამე ნაწილით, რაც ქურდობის მცდელობას გულისხმობს და ითვალისწინებს ერთიდან შვიდ წლამდე პატიმრობას.
