Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

რუსეთში არ გამორიცხავენ COVID-19-ის ვაქცინის მიწოდებას პოსტსაბჭოთა ქვეყნებში

© photo: Sputnik / Vladimir Pesnya / გადასვლა მედიაბანკშიმოხალისეების ვაქცინაცია კორონავირუსზე
მოხალისეების ვაქცინაცია კორონავირუსზე - Sputnik საქართველო
გამოწერა
НовостиTelegram
ამჟამად გამალეის ცენტრში შექმნილი COVID-19-ის საწინააღმდეგო ვაქცინის Спутник V-ის საცდელი პარტიები რუსეთის ყველა რეგიონმა მიიღო

თბილისი, 21 სექტემბერი – Sputnik. COVID-19-ის საწინააღმდეგო რუსული წარმოების ვაქცინას Спутник V-ს სხვა ქვეყნებს მასობრივად არ გადასცემენ, რადგან საჭიროა რუსეთის მოქალაქეების ვაქცინაციის უზრუნველყოფა, განაცხადა გამალეის სახელობის ეპიდემიოლოგიისა და მიკრობიოლოგიის ეროვნულ კვლევით ცენტრის დირექტორმა ალექსანდრ გინცბურგმა.

ამასთან რუსეთი მზადაა მიაწოდოს მსურველებს პრეპარატის საწარმოო ტექნოლოგიები, მაგრამ ამისათვის მიმღებ ქვეყანაში შესაბამისი საწარმოო სიმძლავრეები უნდა არსებობდეს.

გინცბურგის გათვლებით, იმისათვის, რომ მხოლოდ რუსეთის ფედერაციის მოსახლეობა აიცრას, 9-დან 12 თვემდეა საჭირო.

სამეცნიერო-კვლევითი ლაბორატორია - Sputnik საქართველო
გამოიცდება ადამიანებზე: რუსეთში კიდევ ერთი ვაქცინის ტესტირება იწყება

„საწარმო, რომელიც გამალეის ცენტრის ტერიტორიაზე მდებარეობს, სამ ცვლაში მუშაობს, მაგრამ ახლოსაც ვერ უზრუნველყოფს იმ მოცულობებს, რომლებიც ჩვენი ქვეყნის (რუსეთის - რედ.) მოსახლეობის ვაქცინირებისთვისაა საჭირო, - აღნიშნა გინცბურგმა. - ამჟამად ტექნოლოგიების ტრანსფერი მინიმუმ 3-4 საწარმოო მოედანზე ხორციელდება. იმედი მაქვს, რომ ნოემბრისთვის ამ მოედნებზე ერთ თვეში 5-6 მილიონ დოზას გამოუშვებენ. ეს საშუალებას მოგვცემს 9-12 თვეში ავიდეთ 70-80%-იან ვაქცინაციის დონეზე, რითაც შესაძლებელი გახდება პოპულაციურ დონეზე აღნიშნული ვირუსის ცირკულაციის შეწყვეტა“.

მეცნიერის თქმით, ვაქცინის წარმოებისთვის საჭიროა განსაკუთრებული ტექნოლოგიები, რომლებითაც იქმნება მონოკლონური ნივთიერებები, რომლებსაც ონკოლოგიური დაავადებების სამკურნალოდ იყენებენ. ასეთი მოედნები არსებობს სხვადსხვა ქვეყნებში, მაგრამ არა ყოფილ საბჭოთა რესპუბლიკებში.

 COVID-19-ის საწინააღმდეგო ვაქცინა  Спутник V - Sputnik საქართველო
რუსეთთან ვაქცინის მიწოდებაზე მოლაპარაკებებს უკვე 50 ქვეყანა აწარმოებს

„არ ვარ დარწმუნებული, რომ იქ (ყოფილი სსრკ-ის ქვეყნებში - რედ.) ტექნოლოგიური მოედნები მზადაა. თუ ისინი ამისათვის დამოუკიდებლად მოემზადებიან, ესე იგი ტრანსფერის განხორციელება ღვთის ნება ყოფილა. მაგრამ, სავარაუდოდ, იქ იქნება ბელარუსის ანალოგიურად, რომლისთვისაც ჩვენ მოვიძიებთ გარკვეულ საშუალებებს იმისათვის, რომ სხვადასხვა პირობებით დავეხმაროთ. მაგრამ დავეხმარებით. საკუთარ მოსახლეობასთან ერთად დავიცავთ ჩვენს უახლოეს მეზობლებს, - განმარტა სპეციალისტმა. - ვერაფერს ვიტყვი სახელმწიფო დონეზე, მაგრამ ჩემს დონეზე ბევრ ჩვენს რესპუბლიკასთან (ყოფილი სსრკ-ის - რედ.) მუდმივად მიმდინარეობს საუბრები, მომართვები და შესაძლო ურთიერთქმედებების განხილვები“.

მასობრივად ვაქცინის მიწოდება არ მოხდება, დააზუსტა გინცბურგმა. მაგრამ წარმოება შეიძლება აეწყოს ისეთ ქვეყნებში, სადაც შესაბამისი პროფილის მსხვილი საწარმოები არსებობს. მაგალითად, ინდოეთში.

ალექსანდრ გინცბურგის თქმით, რუსეთის ტერიტორიაზე მყოფ უცხო ქვეყნების მოქალაქეებს შეუძლიათ მონაწილეობა მიიღონ რუსული ვაქცინის გამოცდებში.

რუსული ვაქცინის შეფუთვა - Sputnik საქართველო
Gam-COVID-Vac: ბელარუსში რუსული ვაქცინის კვლევა ჩატარდება

„რამდენადაც ვიცი, ჩვენს ლაბორატორიაში არანაირი შეზღუდვა არ არსებობს, - განუცხადა Sputnik-ს ალექსანდრ გინცბურგმა. - არანაირ დისკრიმინაციულ მომენტს ჩვენი კანონმდებლობა არ შეიცავს“.

ამჟამად გამალეის ცენტრში შექმნილი COVID-19-ის საწინააღმდეგო ვაქცინის Спутник V-ის საცდელი პარტიები რუსეთის ყველა რეგიონმა მიიღო.

გარდა ამისა, 22 სექტემბერს რუსეთის ჯანდაცვის სამინისტრომ კიდევ ერთ ანტიკორონავირუსულ ვაქცინაზე გასცა კლინიკური კვლევების ჩატარების უფლება. პრეპარატი ჩუმაკოვის სახელობის ცენტრშია დამზადებული.

ყველა ახალი ამბავი
0