ნანუკა და ბერა ივანიშვილები თანამედროვე სოციალურ ქსელებში დიდი პოპულარობით გამოირჩევიან. მათ არ ჩამოუვარდებათ ნანუკას და – ანი გუდავაძე. გოგონა დას გარეგნულად ძალიან ჰგავს და მათი ფოტოებით ჩანს, რომ ისინი ძალიან მეგობრობენ. მათ სამეგობრო წრეს ტოპ-მოდელი ანა შელიაც შეუერთდა. გოგონები საერთო ფოტო-ვიდეოებს ხშირად აქვეყნებენ. დაქალებს შორის პირველი შვილი ანი გუდავაძეს შეეძინა. ნანუკა გუდავაძის და, ანი გუდავაძე TikTok-ზე ძალიან პოპულარულია. ანი დახვეწილი გოგონაა. მას თბილი და ლამაზი ოჯახი ჰყავს. მისი მეუღლე ბიზნესმენი ნიკა ფიცხელაურია.
View this post on Instagram
ნანუკას უფროს დას TikTok-ზე 6547 ხელმომწერი ჰყავს. მან ვიდეო გამოაქვეყნა, რომელზეც დედასთან ნატა გუდავაძესთან ერთადაა. გოგონებმა მონაწილეობა ერთ-ერთ „ჩელენჯში“ მიიღეს. ყოველდღიური Casual სამოსიდან სადღესასწაულო კაბებამდე. ნატას და ნანუკა გუდავაძის მსგავსება გაგაოცებთ. ვერავინ დაიჯერებს, რომ ბერა ივანიშვილის სიდედრი ორი ქალიშვილის დედაა.
ბერა და ნანუკა – საქართველოში ერთ-ერთი გამორჩეული და არაორდინარული წყვილია. შეყვარებულებმა თაყვანისმცემლები სხვადასხვა ხერხით დააინტერესეს. მათი ნიშა ცხოვრების გამორჩეული სტილი, ორიგინალური ვიდეოები, შემოქმედებითი ხედვა და ურთიერთსიყვარულია. წყვილმა შვილისთვისაც კი უცხო და აქამდე უცნობი სახელი მოიფიქრა – ბერუკა. ნანუკამ და ბერამ საკუთარი სახელები გააერთიანეს.
აღსანიშნავია, რომ პატარა ბერუკას მუსიკა მამამ უკვე შეაყვარა. ცოტა ხნის წინ ახალგაზრდა კომპოზიტორმა და შემსრულებელმა ვაჟთან ერთად ვიდეო გამოაქვეყნა, სადაც ისინი როიალზე უკრავენ. „ჩემი მომავალი პიანისტი, მის თითებს დააკვირდით“, – წერდა ახალბედა მამა. ბერამ შვილს „იავნანაც“ დაუწერა და ვიდეო, სადაც ამ მუსიკაზე ბერუკა იძინებს, სოციალურ ქსელში განათავსა. ის შვილთან ერთად ხშირად ვარჯიშობს. ახლა კი, რამდენიმე თვის მანძილზე შეკვეთილში დასვენების პერიოდში ახალი იდეებით აღსავსე შეუდარებელი ფოტოსესიების გამოქვეყნება დაიწყეს, რაშიც მათ მხარი ნატა გუდავაძემაც აუბა და ახალ ტრენდს დახვეწილი ვიდეოების გადაღებით შეუდგა.
