ცნობილია, ვინ არ შეიძლება აიცრას COVID-19-ზე: აკადემიკოსი განმარტავს

© photo: courtesy of RDIF and the Gamaleya Center / გადასვლა მედიაბანკშიკორონავირუსის ვაქცინა
კორონავირუსის ვაქცინა  - Sputnik საქართველო
გამოწერა
აკადემიკოსმა განმარტა, რომელი დაავადებების შემთხვევაში აქვს კორონავირუსზე ვაქცინაციას უკუჩვენება, და თავსებადია თუ არა ის გრიპის ვაქცინასთან.

თბილისი, 21 სექტემბერი ― Sputnik. კორონავირუსზე ვაქცინაციაზე შეზღუდვები შეიძლება ეხებოდეს პირველადი იმუნოდეფიციტის მქონე ადამიანების მცირე ჯგუფებს, აღნიშნა რუსეთის მეცნიერებათა აკადემიის აკადემიკოსმა ალექსანდრ კარაულოვმა RT-სთან ინტერვიუს დროს, როდესაც განმარტავდა, ვინ არ შეიძლება აიცრას COVID-19-ზე.

ვაქცინაცია - Sputnik საქართველო
აკრძალულია ორსულობა: რუსული ვაქცინის ტესტირების მონაწილეებს რეკომენდაციები მისცეს

პირველადი იმუნოდეფიციტი – ეს არის გენეტიკური მდგომარეობა, რომელიც ძირითადად ვლინდება დაბადებიდან რამდენიმე თვის განმავლობაში (მაქსიმუმ 3 წლამდე). ახასიათებს ორგანიზმის სხვადასხვა სისტემის განსხვავებული სიმძიმით მიმდინარე ინფექციები – ფილტვების ანთება, ძვალ-სახსროვანი სისტემის ანთება, სეფსისი და ა.შ.

„აუტოიმუნურ, რევმატოლოგიურ და ონკოლოგიურ დაავადებებსაც კი ვერ ექნება უკუჩვენება“, ― ხაზი გაუსვა კარაულოვმა.

აკადემიკოსის თქმით, გრიპსა და პნევმოკოკურ ინფექციებზე ვაქცინაცია ხელს არ უშლის კორონავირუსზე აცრას და ეს უკვე ახლავე უნდა მოხდეს, ვინაიდან „უკვე ოთხი კვირის შემდეგ შესაძლებელი იქნება კორონავირუსზე აცრაც“.

ჯანმო არ დაამტკიცებს COVID-19-ის არც ერთ ვაქცინას, თუ... კრიტერიუმები განსაზღვრულია - Sputnik საქართველო
ჯანმო არ დაამტკიცებს COVID-19-ის არც ერთ ვაქცინას, თუ... კრიტერიუმები განსაზღვრულია

კარაულოვმა აღნიშნა, რომ სამეცნიერო საზოგადოებაში დისკუსია მიმდინარეობს COVID-19-ის ვაქცინის მოქმედების ხანგრძლივობასთან დაკავშირებით და სწორედ რუსული ვაქცინა Sputnik V გახდის შესაძლებელს, განისაზღვროს რისკის ჯგუფების მოსალოდნელი ვაქცინაციის საფუძვლიანი კრიტერიუმები.  

მსოფლიოში პირველი კორონავირუსული ვაქცინა Sputnik V, რომელიც გამალეის კვლევით ცენტრში შეიქმნა რუსეთის პირდაპირი ინვესტიციების ფონდთან ერთად, რუსეთმა აგვისტოში დაარეგისტრირა. მასობრივი ვაქცინაცია ვაქცინის წარმოების ზრდისა და პოსტრეგისტრაციული კვლევების მონაცემების დაგროვების კვალდაკვალ დაიწყება.

 

ყველა ახალი ამბავი
0