ხელის ჩამორთმევისა და გადაკოცნის გარეშე: დეპუტატებს სიფრთხილისკენ მოუწოდებენ

© Sputnik / Vladimir Umikashviliდეპუტატები პარლამენტში
დეპუტატები პარლამენტში - Sputnik საქართველო
გამოწერა
როგორც პრაქტიკამ აჩვენა, დეპუტატის იმუნიტეტი კორონავირუსისგან არ იცავს – ორი დეპუტატი კორონავირუსის დიაგნოზით უკვე ჰოსპიტალიზებულია.

თბილისი, 15 სექტემბერი – Sputnik. საქართველოს პარლამენტის პლენარულ სხდომაზე ჯანდაცვის კომიტეტის თავმჯდომარემ დიმიტრი ხუნდაძემ კოლეგებს მოუწოდა, რომ შეხვედრისას თავი შეიკავონ ხელის ჩამორთმევისა და გადაკოცნისგან და აუცილებლად ატარონ პირბადე.

მისი განცხადებით, ეს აუცილებელია, რათა მინიმუმამდე დავიდეს კორონავირუსით ინფიცირების რისკი.

გედევან ფოფხაძე - Sputnik საქართველო
კორონავირუსი კიდევ ერთ ქართველ პოლიტიკოსს დაუდასტურდა

ეს საკითხი პარლამენტში მას შემდეგ გახდა აქტუალური, რაც ორ დეპუტატს – ლევან გოგიჩაიშვილსა და გედევან ფოფხაძეს კორონავირუსი დაუდგინდა. ისინი საავადმყოფოში არიან მოთავსებული.

„მინდა მოქალაქეებს ვთხოვო, რომ თავი შეიკავონ ხელის ჩამორთმევით მისალმებისგან და, მით უმეტეს, გადაკოცნისგან... ფრთხილად ვიყოთ ყველა და ყველა ერთად გავუფრთხილდეთ ქვეყნის უსაფრთხოებას. ჩვენ სამი ძირითადი მიზანი გვაქვს, ესაა: შევინარჩუნოთ მოქალაქეების ჯანმრთელობა, ეკონომიკა სწრაფად დავუბრუნოთ სასტარტო მდგომარეობას და... მოვახერხოთ არჩევნები ჩავატაროთ ეპიდემიოლოგიურად უსაფრთხო გარემოში“, – განაცხადა ხუნდაძემ.

„წყარო უცნობია“: პარლამენტის დეპუტატსა და მის მეუღლეს კორონავირუსი დაუდასტურდათ>>

საქართველოს პარლამენტმა ამ კვირაში 61 საკითხი უნდა განიხილოს. მათ შორისაა შესწორებები სხვადასხვა კანონში – „სასამართლოების შესახებ“, „შრომის კოდექსი“, „საგზაო მოძრაობის უსაფრთხოების შესახებ“, „დაცული ტერიტორიების შესახებ“ და ა.შ.

ყველა ახალი ამბავი
0