Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

ინდოეთში კორონავირუსით ინფიცირების შემთხვევათა რეკორდული რაოდენობა დაფიქსირდა

© AP Photo / Anupam Nathკორონავირუსი ინდოეთში
კორონავირუსი ინდოეთში - Sputnik საქართველო
გამოწერა
კორონავირუსით ინფიცირების დადასტურებული შემთხვევების რაოდენობით ინდოეთი მსოფლიოში მეორე ადგილს იკავებს

თბილისი, 12 სექტემბერი - Sputnik. ინდოეთში გასულ დღე-ღამეში მედიკოსებმა კორონავირუსის 97,5 ათასზე მეტი შემთხვევა გამოავლინეს - ეს ქვეყანაში პანდემიის დაწყებიდან დაავადებულთა რაოდენობის მატების ყველაზე მაღალი მაჩვენებელია.

ტესტირება ბათუმში - Sputnik საქართველო
COVID-19 საქართველოში: ყოველდღე ანტირეკორდი – რამდენი შემთხვევა გამოვლინდა ბოლო დღე-ღამეში

ამას ადასტურებს ინდოეთის ჯანდაცვისა და ოჯახური კეთილდღეობის სამინისტროს მონაცემები.

ქვეყანაში ზედიზედ მესამე დღეა COVID-19-ის დადასტურებული მატარებლების რიცხვი რეკორდულ ნიშნულებს აღემატება - ხუთშაბათს გავრცელდა ინფორმაცია 95,7 ათას შემთხვევაზე, პარასკევს - 96,5 ათასის შესახებ.

ამ დროისათვის კორონავირუსით ინფიცირების დადასტურებული შემთხვევების რაოდენობით ინდოეთი მსოფლიოში მეორე ადგილს იკავებს. ჯანდაცვის სამინისტროს ბოლო მონაცემებით, ქვეყანაში სულ 4,66 მილიონი ადამიანია გამოვლენილი.

ინდოეთის ჯანდაცვის სამინისტროს ინფორმაციით, გამოჯანმრთელებულთა რაოდენობა საერთო დაავადებულთა რიცხვიდან 77,77%-ს აღწევს და 3,62 მილიონ ადამიანს აჭარბებს. კლინიკებში მკურნალობას 958 ათასი ადამიანი გადის (დაავადებულთა 20,56%). ერთ დღე-ღამეში ეს რიცხვი 14 ათასით გაიზარდა.

ბოლო მონაცემებით, კორონავირუსის მსხვერპლთა რიცხვი 77,4 ათასს აჭარბებს და გამოვლენილი შემთხვევების საერთო რაოდენობის 1,66%-ს შეადგენს. ერთ დღე-ღამეში ვირუსისგან 1201 ადამიანი გარდაიცვალა.

ყველა ახალი ამბავი
0