გაერთიანებამ „ძალა ერთობაშია“ პრემიერ-მინისტრობის კანდიდატად მიხეილ სააკაშვილი დაასახელა

© photo: Sputnik / ფოტობანკში გადასვლამიხეილ სააკაშვილი
მიხეილ სააკაშვილი - Sputnik საქართველო
საქართველოს ექს-პრეზიდენტმა მიხეილ სააკაშვილმა საკუთარ Facebook-გვერდზე დაწერა, რომ საქართველოში მისი დაბრუნების გეგმასთან დაკავშირებით მორიგ მიმართვას დღეს, 7 სექტემბერს გააკეთებს.

თბილისი, 7 სექტემბერი — Sputnik. ოპოზიციური პარტია „ერთიანი ნაციონალური მოძრაობა“ და გაერთიანებაში „ძალა ერთობაშია“ შემავალი პარტიები პრემიერ-მინისტრობის კანდიდატად საქართველოს მესამე პრეზიდენტს მიხეილ სააკაშვილს წარადგენენ, განაცხადა „ნაციონალური მოძრაობის" ცენტრალურ ოფისში გამართულ ბრიფინგზე პარტიის თავმჯდომარემ გრიგოლ ვაშაძემ. 

გიგა ბოკერია - Sputnik საქართველო
გიგა ბოკერია სააკაშვილის დაბრუნების გეგმებს გამოეხმაურა

ამ ოპოზიციური გაერთიანების წარმომადგენლებმა მანამდე უკვე განაცხადეს, რომ წინასაარჩევნო კამპანიის მსვლელობისას ლოგიკური იქნება მომავალი მთავრობის პრემიერ-მინისტრის პოსტზე მიხეილ სააკაშვილის კანდიდატურის წამოყენება.

„მიხეილ სააკაშვილი უნდა დაბრუნდეს საქართველოში და ის უნდა იყოს პირისპირ თავის ხალხთან. ზუსტად ამიტომ „ერთიანმა ნაციონალურმა მოძრაობამ“ და გაერთიანებულ ოპოზიციაში შემავალმა ყველა პარტიამ მიიღო გადაწყვეტილება მისი კანდიდატურა დავასახელოთ საქართველოს პრემიერ-მინისტრობაზე“, – განაცხადა ვაშაძემ.

გუშინ საქართველოს ექს-პრეზიდენტმა მიხეილ სააკაშვილმა საკუთარ Facebook-გვერდზე დაწერა, რომ საქართველოში მისი დაბრუნების გეგმასთან დაკავშირებით მორიგ მიმართვას დღეს, 7 სექტემბერს გააკეთებს.

„ნაციონალური მოძრაობის“ ლიდერმა 27 აგვისტოს სოციალურ ქსელში ვიდეომიმართვა გაავრცელა, რომელშიც მისი მმართველობის პერიოდში დაშვებული შეცდომებისთვის ქართველ ხალხს ბოდიში მოუხადა და განაცხადა, რომ საქართველოში ბრუნდება.

ეს სააკაშვილის პირველი განცხადება არ არის, რომელიც სამშობლოში მის დაბრუნებას ეხება – მან მსგავსი განცხადება გააკეთა აგრეთვე 2016 წლის საპარლამენტო და 2018 წლის საპრეზიდენტო არჩევნების წინ, თუმცა ორივე შემთხვევაში დაპირება დაპირებად დარჩა.  

წინასაარჩევნო ბანერი - Sputnik საქართველო
ციხე თუ პრემიერობა ანუ რა გზით შემოვა მიხეილ სააკაშვილი საქართველოში

მიხეილ სააკაშვილმა საქართველო 2013 წელს დატოვა. იგი საქართველოში ოფიციალურად დამნაშავედ არის მიჩნეული და სხვადასხვა სისხლის სამართლის დანაშაულისთვის ექვსი წელი აქვს მისჯილი. საქართველოში ჩამოსვლისთანავე მას დააპატიმრებენ, თუ მანამდე საქართველოს პრეზიდენტი სალომე ზურაბიშვილი არ შეიწყალებს.

სააკაშვილი ამჟმად უკრაინაში ცხოვრობს, აქვს ამ ქვეყნის მოქალაქეობა და უკავია უკრაინის რეფორმების აღმასრულებელი კომიტეტის ხელმძღვანელის თანამდებობა.

ოფიციალური პროცედურის მიხედვით, პრემიერ-მინისტრის კანდიდატურას პარლამენტს განსახილველად წარუდგენს პარტია, რომელმაც არჩევნებზე ყველაზე მეტი ხმა მიიღო. თუ ეს კანდიდატურა ჩავარდება, პრეზიდენტს უფლება აქვს, დაითხოვოს პარლამენტი და ახალი არჩევნები დანიშნოს.

ახალი არჩევნები არ ჩატარდება იმ შემთხვევაში, თუ ორი კვირის განმავლობაში პარლამენტი შეძლებს საკანონმდებლო ორგანოს დეპუტატების 1/3-ის მიერ წარდგენილი პრემიერ-მინისტრის დამტკიცებას.

ყველა ახალი ამბავი
0
თავიდან ახლებითავიდან ძველები
loader
ეთერში
Заголовок открываемого материала
საერთაშორისო
InternationalEnglishინგლისურიMundoEspañolესპანური
ევროპა
DeutschlandDeutschგერმანულიFranceFrançaisფრანგულიΕλλάδαΕλληνικάბერძნულიItaliaItalianoიტალიურიČeská republikaČeštinaჩეხურიPolskaPolskiპოლონურიСрбиjаСрпскиსერბულიLatvijaLatviešuლატვიურიLietuvaLietuviųლიეტუვურიMoldovaMoldoveneascăმოლდოვურიБеларусьБеларускiბელარუსული
ამიერკავკასია
ԱրմենիաՀայերենსომხურისაქართველოქართულიქართულიAzərbaycanАzərbaycancaაზერბაიჯანული
ახლო აღმოსავლეთი
Sputnik عربيArabicარაბულიTürkiyeTürkçeთურქულიSputnik ایرانPersianფარსიSputnik افغانستانDariდარი
ცენტრალური აზია
ҚазақстанҚазақ тіліყაზახურიКыргызстанКыргызчаყირგიზულიOʻzbekistonЎзбекчаუზბეკურიТоҷикистонТоҷикӣტაჯიკური
აღმოსავლეთი და სამხრეთ-აღმოსავლეთი აზია
Việt NamTiếng Việtვიეტნამური日本日本語იაპონური中国中文ჩინური
სამხრეთი ამერიკა
BrasilPortuguêsპორტუგალიური