თბილისი, 25 აგვისტო – Sputnik. სინოპტიკოსების პროგნოზით 26 აგვისტოდან საქართველოში გამოიდარებს და მზიანი ამინდი იქნება, აღნიშნულია გარემოს ეროვნული სააგენტოს განცხადებაში.
ზოგიერთ რაიონში 27–28 აგვისტოს შესაძლებელია წვიმა. ჰაერის ტემპერატურა ბარში პლუს 27–32 გრადუსი იქნება.
29–31 აგვისტოს ძირითადად მზიანი, უნალექო ამინდია მოსალოდნელი. ტემპერატურა პლუს 29–34 გრადუსი იქნება.
ასევე მზიანი ამინდია მოსალოდნელი თბილისში. ტემპერატურა დედაქალაქში 25–28 აგვისტოს პლუს 29–31 გრადუსი, ხოლო 29–31 აგვისტოს – 31–33 გრადუსი იქნება.
