თბილისი, 24 აგვისტო – Sputnik. სომხეთის პრემიერ–მინისტრმა ნიკოლ ფაშინიანმა მიუსამძიმრა შატილის გზაზე ავტოავარიის დროს დაღუპულთა ოჯახებს, ფაშინიანმა ამის შესახებ Twitter–ში დაწერა, იუწყება Sputnik–სომხეთი.
I was deeply saddened to learn of a tragic car accident in #Dusheti municipality that has left behind many innocent victims.
— Nikol Pashinyan (@NikolPashinyan) August 24, 2020
My sincere condolences to the families of the victims and speedy recovery to the injured.
„ძალიან განვიცადე, ტრაგიკული საავტომობილო კატასტროფის შესახებ როდესაც გავიგე, რომელმაც უდანაშაულო ადამიანების სიცოცხლე იმსხვერპლა“, – დაწერა ფაშინიანმა.
მან თანაუგრძნო დაღუპულთა ოჯახებს და დაშავებულებს კი მალე გამოჯანმრთელება უსურვა.
კვირა საღამოს შატილის გზაზე ავტოკატასტროფას 17 ადამიანის სიცოცხლე ემსხვერპლა. წინასწარი ინფორმაციით, დაღუპულთა შორის ერთი გიდია და ერთი უცხოეთის მოქალაქე. 80 მეტრი სიმაღლიდან გადავარდნილი მიკროავტობუსის მგზავრებიდან სამი გადარჩა. ისინი თბილისის პირველ საუნივერსიტეტო კლინიკაში მოათავსეს. ექიმები აცხადებენ, რომ დაშავებულები უკიდურესად მძიმე მდგომარეობაში არიან.
ხელისუფლებამ 25 აგვისტო გლოვის დღედ გამოაცხადა.
