Праздничное оформление - Sputnik საქართველო
ყვითელი ამბები
სელებრითების ცხოვრება საზოგადოების საყვარელი თემაა. ქართველი და უცხოელი ცნობადი სახეების ცხოვრება, სასიყვარულო ისტორიები, ჩაცმის სტილი მუდმივი განხილვის საგანია. სელებრითების შესახებ ახალ ამბებს გაეცანით Sputnik საქართველოს ვებგვერდზე

„ბედნიერება ბრჭყვიალა პატარას!..“ – სოფო ნიჟარაძის დედა მილოცვებს საჯაროდ იღებს

© Facebook / Sofia Nizharadzeსოფო ნიჟარაძე
სოფო ნიჟარაძე - Sputnik საქართველო
გამოწერა
ქართული შოუბიზნესის ერთ-ერთ ყველაზე ცნობილ მომღერალს უმშვენიერესი დედა ჰყავს. ნახეთ რას უწერენ სოციალურ ქსელში შვილიშვილთან დაკავშირებით.

სოფო ნიჟარაძის დედა სულ რამდენიმე თვის წინ ბებია მეორედ გახდა. ცნობილმა მომღერალმა ფეხმძიმობა საგულდაგულოდ დამალა ისე, რომ ამის შესახებ ვერავინ იეჭვა. სოფო ნიჟარაძე რამდენიმე თვეა ამერიკაში ცხოვრობს. არტისტმა ქვეყანა ფეხმძიმობის პირველ თვეებში დატოვა. მან ქალიშვილი სწორედ შტატებში გააჩინა. მასმედიაში სოფო ნიჟარაძის უკანასკნელი ინტერვიუც გავრცელდა, სადაც მომღერალი მუცლის დამალვას ცდილობს. „მთავარი არხის“ დილის ერთ-ერთი გადაცემა სოფოს სახლში ეწვია, სადაც მან საკუთარი დილის რუტინა საზოგადოებას გააცნო. აქ მომღერალი ორი თვის ფეხმძიმე იყო, თუმცა ეს ვერავინ შენიშნა. სოფო ნიჟარაძემ პირველ შვილს ელის-მარია დაარქვა.

სოფო ინტერვიუებში ჰყვება, რომ მისთვის დედის გარეშე ცხოვრება წარმოუდგენელია. გადატვირთული გრაფიკის გამო ნიჟარაძე უამრავი საქმის მოგვარებას დედის დახმარებით ახერხებს. პოპულარული მომღერლის ერთგული მეგობარი მხოლოდ დედაა. ოჯახში წლების წინ ტრაგედია დატრიალდა. სოფომ და მისმა უმცროსმა ძმამ მამა დაკარგეს. 2013 წელს მეგა-პროექტ „ცეკვავენ ვარსკვლავებში“ მონაწილეობისას, სოფომ ეს შემზარავი ამბავი პირდაპირი ეთერის დაწყებამდე შეიტყო. ამ მიზეზით სოფო საბოლოოდ პროექტს გამოეთიშა. დიდი ხნის მანძილზე ის სცენას ვერ უბრუნდებოდა.

სოფოს დედა ქეთი ნიკოლაიშვილია. მათ განსაკუთრებული ურთიერთობა აკავშირებთ. ჟურნალისტის კითხვაზე, დილით პირველს ვის ურეკავს, სოფო დაუფიქრებლად დედას ასახელებს. მომღერალი საზღვარგარეთ ამჯერად ოჯახის წევრების გარეშე გაემგზავრა. სოფომ ამერიკის ერთ-ერთ სამშობიაროში 2 ივნისს იმშობიარა. სოციალურ ქსელში ქეთი ნიკოლაიშვილს საჯაროდ ულოცავენ შვილიშვილის შეძენას. „ქეთი რო­გო­რია ბე­ბი­ო­ბა? კი­დევ გი­ლო­ცავთ, გკოც­ნით… მე­დი­კომ ისე­თი ლა­მა­ზი­აო. სო­ფოს ჩემს მა­გივ­რად მაგ­რად აკო­ცეთ. უფალ­მა ბედ­ნი­ე­რი გა­ზარ­დოს! მიყ­ვარ­ხართ!..“ – ასეთ კომენტარს უწერენ სოფო ნიჟარაძის დედას სოციალურ ქსელში. კომენტარი ცნობილმა პროდიუსერმა კახი მამულაშვილმაც დაწერა. „ბებია“ - უწერს ქეთის „მამულიჩა“.

სოფო ნიჟარაძე 1986 წლის 6 თებერვალს დაიბადა. ის მომღერალი, მსახიობი და სიმღერების ავტორია. დაამთავრა ფალიაშვილის სახელობის სამუსიკო გიმნაზია (ნიჭიერთა ათწლედი). შესრულებული აქვს ჯულიეტას როლი მიუზიკლ „რომეო და ჯულიეტას“ რუსულენოვან ვერსიაში. 2010 წლის მაისში საქართველო წარადგინა ევროვიზიის კონკურსზე სიმღერით Shine, მაშინ ქულათა საერთო ჯამით მე-9 ადგილზე გავიდა.

ყველა ახალი ამბავი
0