თბილისი, 16 აგვისტო – Sputnik. შერეული ორთაბრძოლების ქართველმა მებრძოლმა მერაბ დვალიშვილმა, მეტსახელად „მანქანა“ (THE MACHINE) UFC-ს ტურნირზე ლას-ვეგასში გამარჯვება მოიპოვა.
UFC-ს ყველაზე დაბალი წონის დივიზიონში ამერიკელ ჯონ დოდსონთან გამართულ ბრძოლაში მსაჯებმა გამარჯვება ერთხმად დვალიშვილს არგუნეს.
29 წლის ქართველი სპორტსმენის ძირითადი ტაქტიკა იყო დარტყმების წყვილი - მიახლოება და კლინჩი ბადესთან, შემდეგ კი პარტერში გადასვლის მცდელობები. პარტერში გადასვლისას ყოველ ჯერზე დოდსონი სწრაფად წამოდგებოდა და დისტანციას ზრდიდა, რაც არ აწყობდა დვალიშვილს.
მესამე რაუნდში ამერიკელმა შესამჩნევად შეანელა ტემპი, დვალიშვილმა კი პირიქით გაზარდა და საბოლოოდ სასურველ გამარჯვებას მიაღწია.
THE MACHINE! 🤖@MerabDvalishvil continues to dominate w/ a 30-27 scorecard! #UFC252 pic.twitter.com/5EZcxnEEQO
— UFC (@ufc) August 16, 2020
ქართველი მებრძოლისთვის ეს გამარჯვება UFC-ში ზედიზედ მეხუთეა. ბრძოლამდე დვალიშვილი თავის წონით კატეგორიაში მე-15 პოზიციას იკავებდა, მისი მეტოქე - მე-12-ზე იყო. დიდი ალბათობით სავარაუდოა, რომ UFC-ს განახლებულ რეიტინგში „მანქანა“ მნიშვნელოვნად გააუმჯობესებს თავის პოზიციებს.
