ლარის კურსის სტაბილურობისთვის: რეგულატორმა დოლარების მორიგი პარტია გაყიდა

© photo: Sputnik / Stringerდოლარები და ლარები
დოლარები და ლარები - Sputnik საქართველო
გამოწერა
სავალუტო ბაზრის სტაბილურობის შესანარჩუნებლად ხუთი თვის განმავლობაში ეროვნულმა ბანკმა ჩაატარა ათი აუქციონი, რომლებზეც დაახლოებით 289,65 მილიონი დოლარი გაყიდა.

თბილისი, 13 აგვისტო - Sputnik. საქართველოს ეროვნულმა ბანკმა მორიგი სავალუტო აუქციონი ჩაატარა, რომელზეც 20 მილიონი დოლარი გაყიდა. ბირჟაზე ლარის საშუალო შეწონილმა გაცვლითმა კურსმა დოლარის მიმართ შეადგინა 3, 0705  GEL/$1.

მზის პანელების ქარხანა - Sputnik საქართველო
როგორ შეიცვალა ფასები სამრეწველო პროდუქციაზე საქართველოში

სავალუტო ბაზრის სტაბილურობის შესანარჩუნებლად ხუთი თვის განმავლობაში ეროვნულმა ბანკმა ჩაატარა ათი აუქციონი, რომლებზეც დაახლოებით 289,65 მილიონი დოლარი გაყიდა.

ეროვნული ბანკის ამასწინანდელი განცხადებით, იგი გამოიყენებს მის ხელთ არსებულ ყველა ინსტრუმენტს, მათ შორის, სავალუტო ინტერვენციებს ფასების სტაბილურობის უზრუნველსაყოფად.

„ახლა, როდესაც სავალუტო ბაზარი არასტაბილურია, ეროვნული ბანკი უზრუნველყოფს ბაზრისთვის საჭირო ლიკვიდურობას როგორც უცხოურ, ისე ეროვნულ ვალუტაში“, - განაცხადა რეგულატორმა.

სავალუტო აუქციონების გარდა, ეროვნული ბანკი კურსის რყევის შესამცირებლად ყოველდღიურად ახორციელებს ინტერვენციებს. კერძოდ, როდესაც გაცვლითი კურსი დღის განმავლობაში წინასწარ დადგენილ ნიშნულს ასცდება, ეროვნული ბანკი ვაჭრობაში გარკვეული მოცულობის უცხოური ვალუტით ერთვება.

დოლარები და ევროს კუპიურები - Sputnik საქართველო
ეროვნული ბანკი საქართველოს სავალუტო ბაზრის რეფორმას იწყებს

გარდა ამისა, წელს ეროვნული ბანკი ინტერვენციისთვის იმ ვალუტას იყენებს, რომელსაც ქვეყანა საერთაშორისო ფინანსური ინსტიტუტებისგან კრედიტებისა თუ გრანტების სახით კორონავირუსის პანდემიით გამოწვეული შედეგების აღმოსაფხვრელად იღებს.

საქართველოს ეროვნულმა ბანკმა პარასკევისთვის ლარის კურსი აშშ დოლარის მიმართ 3, 0728 GEL/$1 ნიშნულზე დაადგინა. წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0057 ლარით გამყარდა.

დოლარის მიმართ ლარის ოფიციალური გაცვლითი კურსი 2009 წლის მაისიდან Bloomberg-ის სავაჭრო სისტემის ბანკთაშორის ბაზარზე გარიგებების აგრეგირების მეშვეობით განისაზღვრება.

 

ყველა ახალი ამბავი
0